पान १ -डॉक्टरची हत्या

ड�

��क्टर महिलेने केली
पतीची हत्या
नागपुरातील घटना : रागाच्या भरात केले छातीवर चाकूचे वार
नागपूर : रागाच्या भरात बेभान झालेल्या पत्नीने पतीच्या छातीवर चाकूचे वार केले. त्यात पतीचा मृत्यू झाला. ही थरारक घटना रविवारी रात्री सव्वाअकराच्या सुमारास शहरातील हुडकेश्वर पोलीस ठाण्याच्या हद्दीत घडली. विशेष म्हणजे, ही महिला व तिचा पती हे दोघेही पेशाने डॉक्टर असून पोलिसांनी तिला हत्येच्या आरोपाखाली अटक केली आहे.
उदयनगर चौकाजवळील श्रीरामनगर येथे सिंचन विभागाचे निवृत्त अभियंता मधुकर रामचंद्र उके यांचे दुमजली निवासस्थान आहे. तळमजल्यावर मधुकर आणि त्यांची पत्नी मृदुलता राहतात. तर, पहिल्या मजल्यावर मुलगा रविकांतचा परिवार राहातो. रविकांत पॅथॅालॉजिस्ट होता. तर, त्याची पत्नी टिष्ट्वंकल (४०) दंत चिकित्सक म्हणून घरापासून काही अंतरावरच प्रॅक्टिस करते. त्यांना रुजल नामक आठ वर्षांचा मुलगा आहे. त्यांच्यात घरगुती कारणावरून काही दिवसांपासून वाद सुरू होता.
रविवारी रात्री त्यांच्यात अशाच कारणावरून कुरबूर सुरू झाली. अचानक रविकांतच्या किंकाळ्या ऐकू आल्यामुळे आईवडील वर धावले. तेवढ्यात टिष्ट्वंकल वरून खाली पळत आली. रविकांतची छाती रक्ताने माखली होती. त्याला तातडीने रुग्णालयात नेण्यात आले. मात्र, डॉक्टरांनी त्याला मृत घोषित केले. विशेष म्हणजे, या घटनेच्या वेळी बाजूच्या खोलीत टिष्ट्वंकलचे वडील देखील होते.