Latest National News | National Marathi News | Latest National News in Marathi | राष्ट्रीय: ताज्या मराठी बातम्या

आमिर खानच्या 'दंगल' हा चित्रपटाची सर्वत्र जोरदार चर्चा रंगली होती. तसेच या चित्रपटाने बॉक्स ऑफिसवर देखील मोठी कमाई केली होती. दंगलने रेकॉर्ड ब्रेक करत २००० कोटींचा गल्ला जमवला होता. बबिता फोगाटने आता दंगल चित्रपटातून आपल्या कुटुंबाला नेमके किती पैसे मिळाले याबाबत एक मोठा खुलासा केला आहे. जो ऐकून सर्वांनाच धक्का बसला आहे. फोगाट कुटुंबीयांच्या खऱ्या आयुष्यावर आधारित असलेल्या या चित्रपटाने जगभरात तब्बल २००० कोटी रुपये कमावले. बबिताने खुलासा केला आहे की, त्यांच्या कुटुंबीयांना फक्त १ कोटी रुपये मिळाले. एका चॅनेलला दिलेल्या मुलाखतीत बबिताने हे सांगितलं आहे. मुलाखत घेणाऱ्या व्यक्तीचा देखील यावर सुरुवातीला विश्वासच बसला नाही. दोन हजार कोटी रुपयांपैकी तुम्हाला फक्त एक कोटी रुपयेच मिळाले का? असा प्रश्न त्याने पुन्हा विचारला तेव्हा बबिताने मान हलवत हो असं म्हटलं. चित्रपटाने एवढी मोठी कमाई केल्यानंतरही कमी पैसे मिळाले याचं वाईट वाटतं का? असा प्रश्न विचारल्यानंतर बबिताने 'नाही' असं म्हटलं. तसेच "बाबांनी (महावीर फोगाट) एक गोष्ट सांगितली होती की, लोकांचं प्रेम आणि आदर पाहिजे" असं म्हटलं आहे. २३ डिसेंबर २०१६ रोजी प्रदर्शित झालेल्या दंगल या चित्रपटाचे दिग्दर्शन नितेश तिवारी यांनी केलं होतं. अभिनेता आमिर खानने बबिताचे वडील महावीर फोगाट यांची भूमिका साकारली होती. तसेच आमिर या चित्रपटाचा सहनिर्मितासुद्धा होता. महावीर फोगाट यांनी आपल्या मुलींना कसं कुस्तीचं प्रशिक्षण दिलं आणि कुस्ती विश्वात स्वत:ची एक वेगळी ओळख निर्माण केली, याविषयीची कथा चित्रपटात दाखवण्यात आली आहे.

National (Marathi News)

सीमाची गोष्ट समाजातील अशा लोकांसाठी प्रेरणादायी आहे ज्यांना आर्थिक अडचणींमुळे आपली स्वप्नं सोडावी लागतात. ...

७ मुलांची आई तिच्या बॉयफ्रेंडसह पळून गेल्याची धक्कादायक घटना समोर आली आहे. ...

विमानातील बॉम्बच्या धमक्यानंतर केंद्र सरकारने सोशल मिडिया प्लॅटफॉर्म एक्सला फटकारले आहे. ...

लाखो रुपये किमतीचे चोरीचे दागिने आणि मौल्यवान भांडी जप्त करण्यात आली आहेत. ...

सोशल मीडियावरुन काँग्रेस नेते राहुल गांधी यांना जीवे मारण्याची धमकी देण्यात आली आहे. ...