'सर सोडा, मारू नका...' प्रवाशाला TTE ची बेदम मारहाण; व्हिडिओ व्हायरल झाल्यानंतर कारवाई
By ऑनलाइन लोकमत | Published: January 18, 2024 06:10 PM2024-01-18T18:10:34+5:302024-01-18T18:11:12+5:30
हा व्हिडडिओ सोशल मीडियावर प्रचंड व्हायरल होतोय.
'सर सोडा, मारू नका...' प्रवाशाला TTE ची बेदम मारहाण; व्हिडिओ व्हायरल झाल्यानंतर कारवाई
Train TTE video: ट्रेनमध्ये तिकीट चेक करणाऱ्या टीटीईकडून प्रवाशांसोबत गैरवर्तन केल्याच्या अनेक घटना घडल्या आहेत. अशाच प्रकारच्या एका घटनेचा व्हिडिओ सोशल मीडियावर व्हायरल होतोय. यामध्ये टीटीई एका प्रवाशाला जबर मारहाण करताना दिसतोय. यावेळी प्रवासी त्याला न मारण्याची विनंती करतो, पण टीटीई त्याला एकामागून एक चापट मारत राहतो. दुसऱ्या बर्थवर बसलेल्या अन्य एका प्रवाशाने या घटनेचा व्हिडिओ आपल्या मोबाईलमध्ये कैद केला.
मिळालेल्या माहितीनुसार, ही घटना बरौनी-लखनौ एक्स्प्रेस ट्रेनमधील आहे. प्रवाशासोबत मारहाणीचा व्हिडिओ समोर आल्यानंतर टीटीईवर कारवाई करण्यात आली आहे. मारहाण करणाऱ्या टीटीईला रेल्वेने निलंबित केले आहे. याशिवाय चौकशीचे आदेशही देण्यात आले आहेत. आरोपी टीटीईचे नाव प्रकाश असल्याचे सांगण्यात येत आहे.
वीडियो आज का है। बरौनी-लखनऊ एक्सप्रेस (15203) में टीटी इस तरह से पिटाई कर रहा।
— Rajesh Sahu (@askrajeshsahu) January 18, 2024
रेल मंत्री @AshwiniVaishnaw जी, बताएं कि क्या इन लोगों को ऐसे पीटने की आजादी है? क्या टीटी के नाम पर गुंडे रखे गए हैं? ये सिस्टम में क्यों है?
वीडियो साफ है, कार्रवाई कीजिए। और हां, जनता को… pic.twitter.com/Cl5XYxl3GC
हा व्हिडिओ सोशल मीडियावर व्हायरल झाल्यानंतर नेटकरी टीटीईच्या मारहाणीवर प्रश्न उपस्थित करत आहेत. व्हिडिओमध्ये दिसत आहे की, टीटीईने एकामागून एक तरुणाला चापटा मारत राहतो, तो व्यक्ती विनवण्या करतो, पण टीटीई ऐकत नाही. पाठीमागच्या सीटवर बसलेल्या एका व्यक्तीने ही संपूर्ण घटना त्याच्या मोबाईलमध्ये कैद केली. सध्या हा व्हिडिओ खूप व्हायरल होतोय.