श्रीनिवासन यांचा आयसीसी अध्यक्षपदाचा मार्ग मोकळा

बीसीसीआयचे माजी अध्यक्ष एन.श्रीनिवासन यांचा आयसीसी अध्यक्षपदाची निवडणूक लढवण्यास मार्ग मोकळा झाला आहे.

ऑनलाइन टीम

नवी दिल्ली, दि. १२ - बीसीसीआयचे माजी अध्यक्ष एन.श्रीनिवासन यांचा आयसीसी (इंटरनॅशनल क्रिकेट असोसिएशन) अध्यक्षपदाची निवडणूक लढवण्यास मार्ग मोकळा झाला आहे. आयसीसी अध्यक्षपदाची निवडणूक लढवण्यास श्रीनिवासन यांना मनाई करावी अशी मागणी करणारी बिहार क्रिकेट असोसिएशनची याचिका सर्वोच्च न्यायालयाने फेटाळून लावली आहे. त्यामुळे आता श्रीनिवासन ही निवडणूक लढवू शकतात.

आयसीसीच्या अध्यक्षपदासाठी २७ जून रोजी निवडणूक होणार असून श्रीनिवासान यांचा निवडणूकीत विजय होणे जवळजवळ निश्चित मानले जात आहे. मात्र जोपर्यंत श्रीनिवासन यांच्याविरोधात सुरू असलेल्या आयपीएलमधील भ्रष्टाचाराच्या खटल्याचा निकाला लागत नाही, तोपर्यंत त्यांनी आयसीसीच्या निवडणुक प्रक्रियेतही सहभागी होऊ नये, अशी मागणी क्रिकेट असोसिएशन ऑफ बिहारच्या वकिलांनी केली होती. मात्र सर्वोच्च न्यायालयाने या याचिकेवर सुनावणी करण्यास नकार दिला आहे.