'तो व्हिडिओ पाहून PM भावूक, दिला आदेश'; खासदाराने स्पष्टच सांगितलं

पीडित पालकांनीही आरोपीला मृत्युदंडाची शिक्षा देण्यात यावी, अशी मागणी मीडियासमोर केली आहे.

नवी दिल्ली - राजधानी दिल्लीत अंगावर थरकाप उडवणारी घटना घडली. साहिल नावाच्या मुलाने १६ वर्षीय मुलीची चाकू भोसकून आणि दगडाने ठेचून हत्या केली. या हत्येचे संपूर्ण देशात पडसाद उमटत आहेत. त्यात आरोपी साहिलला पोलिसांनी अटक केली आहे. मात्र, या घटनेवरुन देशात संतापाची लाट उसळली आहे. सोशल मीडियातून घटनेचा व्हिडिओ व्हायरल होत असून आरोपीला फाशीच्या शिक्षेची मागणी करण्यात येत आहे. या पीडित कुटुंबीयांस खासदार हंस राज हंस यांनी भेट दिली. तसेच, आरोपीला लवकरात लवकर फाशी देण्यात यावी, अशी मागणीही त्यांनी केलीय. 

पीडित पालकांनीही आरोपीला मृत्युदंडाची शिक्षा देण्यात यावी, अशी मागणी मीडियासमोर केली आहे. आता, खासदार हंसराज अहिर यांनी पीडित कुटुंबीयांची भेट घेत त्यांना धीर दिला. यावेळी, आपणास पंतप्रधान आणि गृहमंत्र्यांचा आदेश आल्याचेही त्यांनी सांगितले. हंस या पीडित कुटुंबीयांची घरी जाऊन भेट घेतली. तसेच, आर्थिक मदतही केली. 

आम्ही राजकारणापलिकडे मुलीचे वडिलही आहोत, मुली आम्हालाही आहेत. जेव्हा व्हिडिओ पाहिला, ज्याला काळीज आहे, ज्याला स्वत:ची मुलगी आहे, म्हणूनच पंतप्रधानही स्वत: भावूक झाले, ते मुलींच्याबाबतीत अशी बातमीही ऐकू शकत नाहीत. त्यांनी आदेश दिला, गृहमंत्र्यांनीही आदेश दिला, आमचे राज्यातील प्रभारी कालपासून झोपले नाहीत, मग आपण कुटुंबीयांच्या भेटीसाठी आलो आहोत, अशा रितीने वरिष्ठ पातळीवर या घटनेची गंभीर दखल घेतल्याची माहिती खासदार हंसराज हंस यांनी दिली. तसेच, आरोपीला लवकरात लवकर फाशीची शिक्षा व्हावी, अशी मागणीही अहिर यांनी केली. 

#WATCH दिल्ली: भाजपा सांसद हंस राज हंस ने शाहाबाद इलाके में हुई नाबालिग की हत्या के मामले में मृतक के परिजनों से मुलाकात की।

उन्होंने कहा, "आरोपी को जल्द से जल्द फांसी होनी चाहिए।" https://t.co/mRlYR4bc3wpic.twitter.com/oXRQgfCCd3

— ANI_HindiNews (@AHindinews) May 30, 2023

दरम्यान, आता मुलीच्या हत्येच्या तपासातून अनेक धागेदोरे पोलिसांच्या हाती सापडत आहेत. मागील काही दिवसांपासून मुलगी तिच्या आधीच्या प्रियकराशी संपर्कात आली होती. त्यावरून साहिलसोबत तिचे भांडण सुरू होते. याच भांडणातून साहिलने तिची हत्या केल्याचे बोलले जाते. 

काय आहे प्रकरण?

दिल्लीच्या शाहबाद डेअरी येथे २० वर्षीय साहिलने १६ वर्षीय मुलीची हत्या केली. या मुलाने क्रूररित्या मुलीला संपवले ही घटना सीसीटीव्हीत कैद झाली. त्यात साहिल कशाप्रकारे चाकूने मुलीवर वार करत असून त्यानंतर दगडाने ठेचून हत्या करत असल्याचे दिसत आहे. 

का केली हत्या?

दिल्ली पोलिसांच्या माहितीनुसार, अल्पवयीन मुलगी तिच्या आधीच्या प्रियकरासोबत संपर्कात होती असा संशय साहिलला होता. इतकेच नाही तर साहिल आणि त्या मुलीमध्ये भांडणही झाले होते. यावेळी साहिलने मुलीला जीवे मारण्याची धमकी दिली होती. मुलगी तिच्या आधीच्या प्रियकरासोबत बोलायची. त्याच्याशी संबंध ठेवत होती. त्यामुळे साहिल आणि मुलीमध्ये वाद व्हायचे