पॉर्न पाहणा-या मंत्र्याने पत्रकाराविरोधात केली पोलिस तक्रार

कर्नाटकच्या शिक्षण मंत्र्यांने त्याचे चित्रीकरण करणा-या पत्रकार आणि कॅमेरामन विरोधात पोलिसात रीतसर तक्रार दाखल केली आहे.

 ऑनलाइन लोकमत 

बंगळुरु, दि. १४ - टिपू जयंतीच्या कार्यक्रमात मोबाईलवर पॉर्न पाहण्यात मग्न असणा-या कर्नाटकच्या शिक्षण मंत्र्यांने त्याचे चित्रीकरण करणा-या पत्रकार आणि कॅमेरामन विरोधात पोलिसात रीतसर तक्रार दाखल केली आहे. 

 

कलम ५०४ अंतर्गत वृत्तवाहिनीचा पत्रकार आणि कॅमेरामन विरोधात गुन्हा नोंदवला आहे अशी माहिती पोलिस अधिका-याने दिली. भर कार्यक्रमात हा मंत्री मोबाईलवर पॉर्न पाहत असल्याचे कॅमेरामनने चित्रीकरण केले होते. 

 

मंत्री मोबाईलवर पॉर्न फोटो पाहत असल्याचे कॅमे-याने टिपले आहे. त्यामुळे मुख्यमंत्री सिद्धरमय्या यांनी  मंत्र्याला क्लीन चीट देण्याऐवजी या घटनेच्या चौकशीचे आदेश द्यावेत अशी मागणी माजी पंतप्रधान एच.डी.देवेगौडा यांनी केली.