फ्लायओव्हरचा भाग कोसळल्याचा व्हायरल फोटो ना मुंबईचा, ना पुण्याचा, ना बंगळुरूचा... जाणून घ्या सत्य 

पडलेल्या पुलाचा एक फोटो हा सोशल मीडियावर जोरदार व्हायरल होत आहे. तसेच ही घटना मुंबई, पुणे आणि बंगळुरूमध्ये घडल्याचा दावा व्हायरल मेसेजमध्ये केला जात आहे. मात्र याबाबत फॅक्टचेक केलं असता सत्य समोर आलं आहे. 

नवी दिल्ली - कोरोनाचा संसर्ग रोखण्यासाठी देशात सध्या लॉकडाऊन सुरू आहे. लॉकडाऊनमध्ये सोशल मीडियाचा वापर हा मोठ्या प्रमाणात केला जात आहे. जगाच्या कानाकोपऱ्यात एखादी घटना घडली की ती अत्यंत वेगाने सर्वत्र व्हायरल होते. सध्या अशा अनेक गोष्टी, मेसेज हे पटकन व्हायरल होताना दिसत आहेत. पडलेल्या पुलाचा एक फोटो हा सोशल मीडियावर जोरदार व्हायरल होत आहे. तसेच ही घटना मुंबई, पुणे आणि बंगळुरूमध्ये घडल्याचा दावा व्हायरल मेसेजमध्ये केला जात आहे. मात्र याबाबत फॅक्टचेक केलं असता सत्य समोर आलं आहे. 

फ्लायओव्हरचा भाग कोसळल्याचा व्हायरल फोटो हा मुंबईचा, पुण्याचा नाही तर गुरुग्रामचा आहे. मिळालेल्या माहितीनुसार, हरियाणाच्या गुरुग्राममध्ये शनिवारी रात्री एका निर्माणाधीन फ्लायओव्हरचा काही भाग कोसळला आहे. या घटनेने परिसरात एकच खळबळ उडली. या दुर्घटनेत दोन जण जखमी झाल्याची माहिती मिळत आहे. सुदैवाने यामध्ये कोणतीही जीवितहानी झालेली नाही. जखमींना उपचारासाठी रुग्णालयात दाखल करण्यात आले असून त्यांच्यावर उपचार सुरू आहेत. 

सोहन रोडवर विपुल ग्रीन्सजवळ रात्री 11 च्या सुमारास ही फ्लायओव्हरचा काही भाग कोसळला. फ्लायओव्हरचं काम सुरू असून बादशाहपूर एलिवेटेड हायवेचा तो एक भाग आहे. घटनेची माहिती मिळताच पोलीस आणि प्रशासन घटनस्थळी दाखल झाले आणि त्यांनी जखमींना तातडीने रुग्णालयात दाखल केले. हरियाणाचे मुख्यमंत्री दुष्यंत चौटाला यांनी देखील आपल्या ट्विटर अकाऊंटवरून याबाबत माहिती दिली आहे. 'सोहना रोडवरील एलिवेटेड कॉरिडोरचा एक स्लॅब कोसळला, यामध्ये दोन जण जखमी झाले आहेत. प्रशासन घटनास्थळी दाखल झालं असल्याचं' म्हटलं होतं. 

Slab of elevated corridor Sohna Road Gurugram collapsed. There have been 2 injuries and both have been admitted and under treatment. NHAI team, SDM and civil defence team are at site. pic.twitter.com/9JTCMaaoEA

— Dushyant Chautala (@Dchautala) August 22, 2020

पडलेल्या पुलाचा फोटो हा सोशल मीडियावर मुंबईचा, पुण्याचा, बंगळुरूचा म्हणून फिरत आहे. पुण्याचे महापौर मुरलीधर मोहोळ यांनी अशी कोणतीही घटना घडलेली नसून हा फोटो पुण्याचा नसल्याचं स्पष्ट केलं आहे. आपल्या ट्विटर अकांटवरून त्यांनी याबाबत माहिती दिली आहे. "मेट्रोचा निर्माणाधीन पूल कोसळल्याची छायाचित्रे समाज माध्यमातून, विशेषतः WhatsApp वरुन मोठ्या प्रमाणात व्हायरल झाली असून ती छायाचित्रे पुण्यातील असल्याचा दावा केला गेलाय. मात्र या दाव्यात कोणतेही तथ्य नसून अशी कोणतीही घटना पुण्यात घडलेली नाही. यासंदर्भात मेट्रोच्या अधिकाऱ्यांशी माझे बोलणे झाले असून हा प्रकार पुणे शहरातील नाही. आपल्यालाही असे फोटोज आणि मेसेज आले असल्यास आपण फॉरवर्ड करू नका!'' असं ट्विट मोहोळ यांनी केलं आहे. 

मेट्रोचा निर्माणाधिन पूल कोसळल्याची छायाचित्रे समाज माध्यमातून, विशेषतः #WhatsApp वरुन मोठ्या प्रमाणात व्हायरल झाली असून ती छायाचित्रे पुण्यातील असल्याचा दावा केला गेलाय. मात्र या दाव्यात कोणतेही तथ्य नसून अशी कोणतीही घटना पुण्यात घडलेली नाही.

— Murlidhar Mohol (@mohol_murlidhar) August 24, 2020

महत्त्वाच्या बातम्या

"...असा पक्ष कोणालाही वाचवता येणार नाही", शिवराज सिंह चौहान यांचा हल्लाबोल

"काँग्रेस अध्यक्षपदासाठी प्रियंका गांधींची मुलंही योग्य उमेदवार"

"मला माझ्या मित्राची उणीव प्रकर्षाने जाणवतेय", Video शेअर करत मोदी झाले भावूक

कोरोनारूपी संकटाचा नाश करून सर्वांचं मंगल करावं, शरद पवारांचं गणरायाला साकडं

CoronaVirus News : कोरोनाचा धसका! ...म्हणून 'या' देशात शवपेटीत झोपू लागलेत लोक