दिल्लीतून ट्रेन निघाली, अचानक लाईटच गेली; संतप्त प्रवाशांनी टीटीईला पकडून टॉयलेटमध्ये बंद केलं
By ऑनलाइन लोकमत | Published: August 12, 2023 10:57 AM2023-08-12T10:57:53+5:302023-08-12T10:58:31+5:30
आनंद विहार येथून सुहेलदेव सुपरफास्ट एक्स्प्रेस आपल्या वेळापत्रकानुसार निघाली, मात्र वीज खंडित झाल्यानंतर झालेल्या गदारोळामुळे उशीर झाला.
दिल्लीतून ट्रेन निघाली, अचानक लाईटच गेली; संतप्त प्रवाशांनी टीटीईला पकडून टॉयलेटमध्ये बंद केलं
Next भारतीय रेल्वेचा प्रवास हा नुसता प्रवास नसून आयुष्यभर तुमच्यासोबत राहणारा अनुभव असतो. हा प्रवास कधी वाईट अनुभव देतो तर कधी चांगला अनुभव. शुक्रवारी सायंकाळी अशीच एक घटना समोर आली. आनंद विहार ते गाझीपूर या सुहेलदेव सुपरफास्ट ट्रेनमध्ये प्रवास करणाऱ्यांसाठी वाईट अनुभव आला.
दिल्लीच्या आनंद विहार टर्मिनलवरून उत्तर प्रदेशातील गाझीपूरला जाणारी सुहेलदेव सुपरफास्ट एक्स्प्रेस आनंद विहार येथून वेळेवर रवाना झाली. आपला हॉर्न वाजवून पुढे गेली एवढ्यात दोन डब्यांतील लाईट गेली. वीज बिघाड झाल्यामुळे एसीही बंद पडला.यामुळे प्रवशांचा संताप वाढला.
मुंबईत कारची वीजेच्या खांबाला धडक; भीषण अपघातात गाडीचे २ तुकडे
उष्णतेमुळे डब्यातील लहान मुले व महिलांची अवस्था बिकट होती. B1 आणि B2 डब्यातील प्रवाशांनी ट्रेनमधील टीटीई पाहून संतापले. प्रवाशांनी सगळा राग त्याच्यावरच काढला. ट्रेनमधील वीजपुरवठा खंडित झाल्यामुळे प्रवाशांनी गोंधळ घातला आणि टीटीईला पकडून शौचालयात कोंडले.
हे प्रकरण वाढताच रेल्वेचे कर्मचारी आणि रेल्वे पोलीस दलाचे कर्मचारीही घटनास्थळी पोहोचले आणि त्यांनी प्रकरण मिटवण्याचा प्रयत्न केला. रात्री उशिरा हा प्रकार वाढत गेल्यावर रेल्वे अधिकाऱ्यांनी त्याची दखल घेत रेल्वेच्या दोन डब्यातील वीजपुरवठा तातडीने दुरुस्त करण्याच्या सूचना कर्मचाऱ्यांना दिल्या.
तुंडला रेल्वे स्थानकावर पहाटे एक वाजण्याच्या सुमारास ट्रेन थांबली आणि इंजिनीअर्सच्या पथकाने ट्रेनच्या डब्यात वीजपुरवठा खंडित होण्याच्या कारणाचा तपास सुरू केला. काही मेहनतीनंतर बी 1 कोचमधील पॉवर कटची समस्या दूर झाली आणि काही वेळाने बी 2 कोचमध्ये पुन्हा वीज आली आणि ट्रेन रवाना झाली.
सुहेलदेव सुपरफास्ट ट्रेनमधील हा बिघाड आणि त्यामुळे होणाऱ्या समस्यांबद्दल ट्रेनमधील प्रवाशांनी ट्विट करून आपल्या समस्या सांगितल्या. मिळालेल्या माहितीनुसार, तुंडला रेल्वे स्थानकावर वीजपुरवठा खंडित झाल्यानंतर गाडी २ तासांहून अधिक काळ उभी होती. आधीच उशिराने धावणाऱ्या या गाडीला वीजपुरवठा खंडित झाल्यामुळे आणखी उशीर झाला. आता ही ट्रेन जवळपास 5 तास उशिराने धावत आहे.
VIDEO | Due to a power failure in B1 and B2 coaches, the angry passengers created a ruckus and locked the TTE in the toilet in the Suhaildev Superfast Express going from Anand Vihar Terminal to Ghazipur on Friday. Soon after the departure of the train from Anand Vihar Terminal,… pic.twitter.com/cr1pIk5KSX
— Press Trust of India (@PTI_News) August 11, 2023