मोदींना हटवून अमित शहांना बनायचे आहे पंतप्रधान - लालू प्रसाद यादव
By admin | Published: October 8, 2015 10:48 AM2015-10-08T10:48:10+5:302015-10-08T10:59:33+5:30
नरेंद्र मोदींना धक्का देऊन अमित शहांना 'पंतप्रधान'पदी विराजमान व्हायचे आहे, असा आरोप लालू प्रसाद यादव यांनी केला आहे.
मोदींना हटवून अमित शहांना बनायचे आहे पंतप्रधान - लालू प्रसाद यादव
Next
पाटणा, दि. ८ - भाजपाध्यक्ष अमित शहा पंतप्रधान बनण्यास आतूर झाले असून नरेंद्र मोदींना धक्का देऊन त्यांना 'पंतप्रधान'पदी विराजमान व्हायचे आहे, असा खळबळजनक आरोप राजदचे अधयक्ष लालूप्रसाद यादव यांनी केला आहे. बिहार विधानसभा निवडणुकीला अवघे काही दिवस उरले असून बिहारमधील वातावरण तापू लागले आहे. महाआघाडी व रालोआचे नेते एकमेकांवर आरोप-प्रत्यारोपांचे बाण सोडू लागले आहेत. त्याच पार्श्वभूमीवर आज सकाळी आयोजित केलेल्या पत्रकार लालूंनी भाजपावर टीका केली.
नरेंद्र मोदींची खुर्ची खेचून त्यावर बसण्यासाठी अमित शहा आतूर झाले असून ते तशी व्यूहरचना करत असल्याचे लालूंनी म्हटले. गाईवरून सुरू असलेल्या वादाला लालूंनी आज पुन्हा हवा दिली. 'मी गाईची पूजा करतो, मोदींनी कधी शेण उचललं आहे का? आमच्यासाठी गाईचे शेण चंदनासमान आहे' असे जोरदार प्रत्युत्तर त्यांनी विरोधकांना दिले.
आरएसएस म्हणजे द्वेषाची फॅक्ट्री असल्याचे सांगत त्यांनी राष्ट्रीय स्वयंसेवक संघावरही जोरदार निशाणा साधला. आरक्षणाबाबत मोहन भागवतांनी केलेल्या वक्तव्यावर मोदींनी मौन का धारण केले आहे, असा सवालही त्यांनी विचारला. मोदींना बिहारमधील पराभवाची चाहूल लागली आहे, भविष्यात महाआघाडी दिल्लीतील सत्ता पलटून टाकेल, हेही मोदींच्या लक्षात आले आहे. बिहार निवडणुकीदरम्यान भाजपा जी आश्वासने देत आहे ती लोकसभा निवडणुकीतील आश्वासनांप्रमाणेच अपूर्ण राहणार अशी टीका त्यांनी केली.
