पंतप्रधान नरेंद्र मोदी येत्या ७ ऑक्टोबरला करणार विद्यार्थ्यांना मार्गदर्शन ​​​​​​​

By ऑनलाइन लोकमत | Published: October 4, 2020 08:14 PM2020-10-04T20:14:24+5:302020-10-04T20:15:58+5:30

Narendra Modi Marathi News : पंतप्रधान नरेंद्र मोदी नवीन शैक्षणिक धोरण व आत्मनिर्भर भारत या विषयावर ७ ऑक्टोबर रोजी दुपारी ४.३० ते ५.३० या वेळेत मार्गदर्शन करणार आहेत.

Prime Minister Narendra Modi will guide the students on October 7 | पंतप्रधान नरेंद्र मोदी येत्या ७ ऑक्टोबरला करणार विद्यार्थ्यांना मार्गदर्शन ​​​​​​​

पंतप्रधान नरेंद्र मोदी येत्या ७ ऑक्टोबरला करणार विद्यार्थ्यांना मार्गदर्शन ​​​​​​​

Next

पुणे - डेक्कन एज्युकेशन सोसायटी (डीईएस) व सावित्रीबाई फुले पुणे विद्यापीठाच्या वतीने येत्या ७ ऑक्टोबर रोजी आयोजित करण्यात आलेल्या वेबिनारमध्ये देशाचे पंतप्रधान नरेंद्र मोदी मार्गदर्शन करणार आहेत. डीईएसच्या सर्व आजी-माजी विद्यार्थ्यांनी या वेबिनार मध्ये सहभागी व्हावे,असे आवाहन डीईएसच्या नियामक मंडळाचे अध्यक्ष शरद कुंटे यांनी केले आहे.

पंतप्रधान नरेंद्र मोदी नवीन शैक्षणिक धोरण व आत्मनिर्भर भारत या विषयावर ७ ऑक्टोबर रोजी दुपारी ४.३० ते ५.३० या वेळेत मार्गदर्शन करणार आहेत. तत्पूर्वी या विषयावर एक तास आधी चर्चासत्र आयोजित केले जाणार आहे.डीईएस संस्थेवर प्रेम करणा-या सर्वांनी या वेबिनार मध्ये सहभागी व्हावे, असेही कुंटे यांनी सांगितले.

कुंटे म्हणाले, लोकमान्य टिळक यांच्या स्मृती शताब्दी निमित्त १ ऑक्टोबर रोजी डीईएसतर्फे आयोजित कार्यक्रमास देशाचे गृहमंत्री अमित शहा उपस्थित होते. त्यांनी डीईएसच्या कार्यक्रमास पंतप्रधान नरेंद्र मोदी संबोधित करतील, असे बोलून दाखविले.त्यानंतर येत्या ७ ऑक्टोबर रोजी कार्यक्रमास पंतप्रधान कार्यालयाकडून तोंडी संमती मिळाली.तसेच अमित शहा यांनी सुद्धा पंतप्रधान यांनी डीईएसच्या कार्यक्रमास वेळ दिल्याचे सांगितले. त्यानुसार संस्थेतर्फे या कार्यक्रमाची तयारी केली जात आहे.

Web Title: Prime Minister Narendra Modi will guide the students on October 7

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.