पंतप्रधान नरेंद्र मोदींच्या आई हिराबेन यांचं निधन, जगातील अनेक नेत्यांनी वाहिली श्रद्धांजली

PM Modi Mother Heeraben Death : नरेंद्र मोदी यांच्या आई हीराबेन यांचे वयाच्या 100 व्या वर्षी निधन झाले. यानंतर बहुतांश नेत्यांनी सोशल मीडियाच्या माध्यमातून शोक व्यक्त केला आहे.

नवी दिल्ली : पंतप्रधान नरेंद्र मोदी यांच्या आई हीराबेन यांचे वयाच्या 100 व्या वर्षी निधन झाले. यानंतर जगातील अनेक नेत्यांनी शोक व्यक्त केला. बहुतांश नेत्यांनी सोशल मीडियाच्या माध्यमातून शोक व्यक्त केला आहे. जपानचे पंतप्रधान फुमियो किशिदा यांनी सर्वात आधी ट्विटद्वारे प्रतिक्रिया दिली. पंतप्रधान मोदी, तुमच्या प्रिय आईच्या निधनाबद्दल मी शोक व्यक्त करतो. त्याच्या आत्म्याला शांती लाभो, असे ट्विट फुमियो किशिदा यांनी केले आहे. 

PM Modi @narendramodi, I would like to express my deepest condolences for the passing of your beloved mother. May her soul rest in peace.

— 岸田文雄 (@kishida230) December 30, 2022

नेपाळच्या पंतप्रधानांकडून शोक व्यक्त
नेपाळचे पंतप्रधान पुष्प कमल दहल 'प्रचंड' यांनीही शोक व्यक्त केला आहे. त्यांनी लिहिले- पंतप्रधान मोदींच्या आई श्रीमती हिराबा मोदी यांच्या निधनाची बातमी कळताच मला खूप दुःख झाले. या दुःखाच्या प्रसंगी मी पंतप्रधान मोदी आणि त्यांच्या कुटुंबीयांप्रती संवेदना व्यक्त करतो.

I’m deeply saddened to learn about the passing away of Smt. Heeraba Modi, loving mother of Prime Minister @PMOIndia At this hour of grief, I express heart felt condolences to PM Modi ji and the family members and pray for eternal peace of the departed soul.

— ☭ Comrade Prachanda (@cmprachanda) December 30, 2022

देउबा म्हणाले, 'आत्म्याला शांती लाभो'
हिराबेन यांच्या निधनाबद्दल शोक व्यक्त करताना, नेपाळचे माजी पंतप्रधान शेर बहादूर देउबा यांनीही ट्विट केले आहे. ते म्हणाले, "नरेंद्र मोदीजी आणि त्यांच्या कुटुंबीयांना  त्यांच्या आदरणीय आई हीराबेन मोदी यांच्या निधनाबद्दल माझ्या संवेदना. त्यांच्या चिरंतन आत्म्याला मोक्ष प्राप्त होवो."

My heartfelt condolences to Shri @narendramodi ji and his family at the passing away of his venerable Mother Heeraben Modi. May her eternal soul attain Moksha.

— Sher Bahadur Deuba (@SherBDeuba) December 30, 2022

पाकिस्तानच्या पंतप्रधानांनी वाहिली श्रद्धांजली
पाकिस्तानचे पंतप्रधान शाहबाज शरीफ यांनीही नरेंद्र मोदींच्या आईच्या निधनाबद्दल शोक व्यक्त करत त्यांना श्रद्धांजली वाहिली आहे. ते म्हणाले, 'आई गमावण्यापेक्षा मोठे नुकसान नाही. पंतप्रधान मोदींच्या आईच्या निधनाबद्दल मी शोक व्यक्त करतो.'

There is no greater loss than losing one’s mother. My condolences to Prime Minister @narendramodi on the passing away of his mother.

— Shehbaz Sharif (@CMShehbaz) December 30, 2022

महिंदा राजपक्षे म्हणाले, ' बातमी ऐकून खूप दुःख झाले'
श्रीलंकेचे माजी पंतप्रधान महिंदा राजपक्षे यांनीही पंतप्रधान मोदींच्या आईच्या निधनाबद्दल शोक व्यक्त केला आहे. त्यांनी ट्विट केले आहे की, श्रीमती हिराबेन मोदी यांच्या निधनाची बातमी ऐकून खूप दुःख झाले. माझ्या सहानुभूती तुमच्या पाठीशी आहेत.

Deeply saddened to hear of the demise of Smt. Heeraben Modi. My heartfelt condolences to Prime Minister @narendramodi ji on the loss of his beloved mother. Our thoughts and prayers are with the PM and his family in this hour of grief. pic.twitter.com/1MxGHMbLms

— Mahinda Rajapaksa (@PresRajapaksa) December 30, 2022

रशियाच्या राजदूतांकडून संवेदना 
भारतातील रशियाचे राजदूत डेनिस अलीपोव्ह यांनी लिहिले - सर्वात मोठ्या नुकसानाबद्दल पंतप्रधान नरेंद्र मोदी यांच्यासोबत माझ्या संवेदना आहेत. मला खूप दु:ख झाले. ओम शांती.