सायको किलर! 2 तासात केली सहा जणांची हत्या, हरियाणामध्ये दहशतीचं वातावरण

हरियाणाच्या पलवलमध्ये सोमवारी रात्री दोन तासामध्ये वेगवेगळ्या ठिकाणी सहा हत्या झाल्याची घटना उघड झाली आहे.

ठळक मुद्देहरियाणाच्या पलवलमध्ये सोमवारी रात्री दोन तासामध्ये वेगवेगळ्या ठिकाणी सहा हत्या झाल्याची घटना उघड झाली आहे. धक्कादायक म्हणजे या सहाही हत्या एकाचा पद्धतीने करण्यात आल्या आहेत.

पलवल- हरियाणाच्या पलवलमध्ये सोमवारी रात्री दोन तासामध्ये वेगवेगळ्या ठिकाणी सहा हत्या झाल्याची घटना उघड झाली आहे. धक्कादायक म्हणजे या सहाही हत्या एकाचा पद्धतीने करण्यात आल्या आहेत. एकाच वेळी सहा हत्येच्या या घटनेमुळे पलवलमध्ये सध्या दहशतीचं वातावरण पसरलं आहे. सगळ्या हत्या शहर पोलीस ठाण्यापासून 100 मीटरच्या अंतरावर झाल्या आहेत. एकाच व्यक्तीने या सगळ्या हत्या केल्याचं समजतं आहे. लोखंडी रॉडने डोक्यात घाव करून हत्या करण्यात आल्या आहेत. दोन तासात सहा हत्या करणाऱ्या या सायको किलरचा फोटो सीसीटीव्ही कॅमेऱ्यामध्ये कैद झाला आहे. या फोटोच्या आधारे आरोपीचा शोध घेतला जातो आहे. सीसीटीव्ही फुटेजमध्ये त्या सायको किलरच्या हातात लोखंडी रॉड स्पष्ट दिसतो आहे. सोमवारी रात्री झालेल्या या हत्याकांडानंतर शहरात हायअलर्ट जारी करण्यात आला आहे. 

#Haryana: Six people murdered at separate locations in Palwal; one held for interrogation

— ANI (@ANI) January 2, 2018

 

हत्या झालेल्या सहा जणांमध्ये एका महिलेचा समावेश आहे तर तीन पहारेकरी असल्याचं समजतं आहे. इतर दोन मृतांची ओळख अजून पटलेली नाही. महिलेची हत्या एका हॉस्पिटलजवळ करण्यात आली. रस्त्याच्या बाजूला असणाऱ्या घरांमधील लोकांची हत्या झाली. 5 मृतदेहांना पोस्टमार्टेमसाठी हॉस्पिटलमध्ये पाठविण्यात आलं आहे. आरोपीच्या शोधासाठी पोलिसांनी संपूर्ण शहरात नाकाबंदी केली आहे. सोमवारी रात्री उशिरा 2 वाजेपासून ते 4 वाजेपर्यंत अशा दोन तासात सहा हत्या झाल्या आहेत. दरम्यान, या प्रकरणी पोलिसांनी एका संशयीताला ताब्यात घेतलं असून त्याची चौकशी केली जाते आहे.