राहुल गांधींनी फोटोत झळकण्याऐवजी मदत करावी - वरुण गांधींचा टोला

राहुल गांधी यांनी छायाचित्रांमध्ये झळकून चर्चेत राहण्याऐवजी प्रत्यक्षात शेतक-यांची मदत करावी असा टोला राहुल गांधी यांचे चुलत बंधू व भाजपा खासदार वरुण गांधी यांनी लगावला आहे.

ऑनलाइन लोकमत 

सुलतानपूर, दि. ८ - राहुल गांधी यांनी छायाचित्रांमध्ये झळकून चर्चेत राहण्याऐवजी प्रत्यक्षात शेतक-यांची मदत करावी असा टोला राहुल गांधी यांचे चुलत बंधू व भाजपा खासदार वरुण गांधी यांनी लगावला आहे. राहुल गांधींना शेतकरी व कामगार वर्गाशी काहीच घेणेदेणे नाही अशी टीकाही त्यांनी केली आहे.

शुक्रवारी सुलतानपूरमधील खासदार वरुण गांधी यांनी अवकाळी पावसामुळे मृत्यू झालेल्या चार शेतक-यांच्या कुटुंबीयांना प्रत्येकी एक - एक लाख रुपयांचा धनादेश दिला. याशिवाय बसला आग लागून मृत्यू झालेल्या अंकित या तरुणाच्या कुटुंबालाही वरुण गांधी यांनी आर्थिक मदत दिली आहे. याप्रसंगी पत्रकारांशी बोलताना वरुण गांधी यांनी काँग्रेस उपाध्यक्ष राहुल गांधी यांना टोला लगावला. आम्ही प्रत्यक्षात शेतक-यांना मदत करत असून काही जण फक्त फोटो काढण्याची संधी म्हणून शेतक-यांमध्ये जातात असा चिमटा त्यांनी राहुल गांधींना काढला आहे.