दलित मारहाणीवर चर्चा सुरु असताना राहुल गांधी झोपले

गुजरातच्या उनामध्ये चार दलित युवकांना झालेल्या मारहाणीचा मुद्यावरुन काँग्रेसने आज लोकसभेमध्ये सत्ताधा-यांना धारेवर धरले.

 ऑनलाइन लोकमत 

नवी दिल्ली, दि. २० - गुजरातच्या उनामध्ये चार दलित युवकांना झालेल्या मारहाणीचा मुद्यावरुन काँग्रेसने आज लोकसभेमध्ये सत्ताधा-यांना धारेवर धरले. मात्र हा मुद्दा उपस्थित करणा-या काँग्रेसची चांगलीच पंचाईत झाली. कारण या महत्वाच्या विषयावर केंद्रीय गृहमंत्री राजनाथ सिंह बोलत असताना राहुल गांधी चक्क डुलक्या घेत होते.

 

राहुल गांधींच्या या डुलक्या कॅमे-याने टिपल्या. राजनाथ सिंह यांचे भाषण चालू  असताना काँग्रेसचे खासदार विरोध करत होते. घोषणाबाजी सुरु होती. त्यावेळी राहुल गांधी झोपले होते. कॅमे-यांनी हे दृश्य टिपले. राहुल गांधी उद्या उन्नाला भेट देणार आहेत.