पाकिस्तानातील दाऊदच्या मुसक्या आवळून भारतात आणूच - राजनाथ सिंह
By admin | Published: May 11, 2015 12:09 PM2015-05-11T12:09:52+5:302015-05-11T19:23:28+5:30
कुख्यात डॉन व मुंबई बाँबस्फोटातील आरोपी दाऊद इब्राहिम हा पाकिस्तानाताच असून त्याला पकडून भारतात आणणारच असे आश्वासन केंद्रीय गृहमंत्री राजनाथ सिंह यांनी दिले.
पाकिस्तानातील दाऊदच्या मुसक्या आवळून भारतात आणूच - राजनाथ सिंह
Next
नवी दिल्ली, दि. ११ - कुख्यात डॉन व मुंबई बाँबस्फोटातील आरोपी दाऊद इब्राहिम हा पाकिस्तानातच असून लवकरच त्याच्या मुसक्या आवळून त्याला भारतात परत आणण्यात येईल असे आश्वासन केंद्रीय गृहमंत्री राजनाथ सिंह यांनी दिले. दाऊदच्या ठावठिकाणाच्या मुद्यावरून ते लोकसभेत निवदेन देत होते.
दाऊदच्या ठावठिकाण्याबाबत भारत सरकारला अजिबात कल्पना नसल्याचे केंद्रीय गृहमंत्रालयाने काही दिवसांपूर्वी संसदेत स्पष्ट केले होते. त्या मुद्यावरून वाद सुरू असतानाच राजनाथ सिंह यांनी दाऊदला परत आणण्याचे आश्वासन दिले. पाकिस्तानात असलेल्या दाऊदच्या अटकेसंदर्भातील सर्व कागदपत्रे पाकिस्तान सरकारकडे पाठवण्यात आली आहेत. त्याला परत आणण्यासाठी भारत सरकार पाकवर दबाव आणत असल्याचेही त्यांनी सांगितले.
याआधी सत्तेत नसताना व नंतर सत्तेत आल्यानंतरही भाजपाप्रणीत केंद्र सरकारने दाऊद पाकिस्तानात लपल्याचे सांगितले होते. विरोधात असताना तर १५ दिवसांमध्ये दाऊदच्या मुसक्या वळवून त्याला भारतात आणू असे वक्तव्यही भाजपाच्या नेत्यांनी केले होते. मात्र त्यानंतर सरकारने घूमजाव केल्याने गदारोळ माजला होता.
