युपीमध्ये पुन्हा सामूहिक बलात्कार करून हत्या?

बहारीचमध्ये एक महिला झाडाला फाशी लावलेल्या अवस्थेत आढळली आहे. या महिलेच्या नातेवाईकांनी गावातल्या पाच जणांनी सामूहिक बलात्कार करून तिची हत्या केल्याची तक्रार केली आहे.

ऑनलाइन टीम

लखनौ, दि. दि. ११ - दोन अल्पवयीन मुलींवर सामूहिक बलात्कार करून हत्या केल्याच्या घटनेला दोन आठवडे उलटले नसून पुन्हा एकदा उत्तर प्रदेशमध्ये अशीच घटना घडल्याचे समोर येत आहे. बहारीचमध्ये एक महिला झाडाला फाशी लावलेल्या अवस्थेत आढळली आहे. या महिलेच्या नातेवाईकांनी गावातल्या पाच जणांनी सामूहिक बलात्कार करून तिची हत्या केल्याची तक्रार केली आहे.

पोलीसांनी बहारीचमधल्या पुनाविया येथे असा प्रकार घडल्याची तक्रार दाखल झाल्याची माहिती दिली. सदर महिला ४५ वर्षांची असून शवविच्छेदन अहवालानंतर तपासाची दिशा स्पष्ट होणार असल्याचे पोलीसांनी सांगितले. दरम्यान, युपीमधली कायदा सुव्यवस्था ढासळली असल्याचे सांगत अनेक नेत्यांनी मुख्यमंत्री अखिलेश यादव यांच्या राजीनाम्याची मागणी केली आहे.