पाककडून पुन्हा शस्त्रसंधी उल्लंघन

पाकिस्तानी रेंजर्सनी गेल्या रविवारी रात्री जम्मू जिल्ह्यात आंतरराष्ट्रीय सीमेनजीकची काही गावे आणि आठ सीमा चौक्यांवर उखळी तोफांचा मारा

जम्मू : पाकिस्तानी रेंजर्सनी गेल्या रविवारी रात्री जम्मू जिल्ह्यात आंतरराष्ट्रीय सीमेनजीकची काही गावे आणि आठ सीमा चौक्यांवर उखळी तोफांचा मारा करीत, भीषण गोळीबार केला़ यात एक जण जखमी झाला़ भारतीय जवानांनीही पाकच्या या कुरापतींना जशास तसे प्रत्युत्तर दिले़
भारतीय सीमा सुरक्षा दलाच्या अधिकाऱ्याने सोमवारी याबाबत माहिती दिली़ पाकिस्तानी सैन्याने रात्री ८ वाजेनंतर आऱ एस़ पुरा सेक्टरमध्ये आंतरराष्ट्रीय सीमेनजीकच्या रहिवासी भागांना लक्ष्य केले़ लहान शस्त्रास्त्रे आणि उखळी तोफांचा मारा केला़ आठ सीमा चौक्यांवर पाकी सैन्याने गोळीबार केला, असे या आधिकाऱ्याने सांगितले़ रात्री १ वाजेपर्यंत दोन्ही बाजूंनी हा गोळीबार सुरूहोता़
जोरा फार्म गावात सीमेपलीकडून झालेल्या गोळीबारात खादीम हुसैन हा नागरिक छर्रा लागल्याने जखमी झाला़ यावर्षी फेबु्रवारीत आंतरराष्ट्रीय सीमेवरील साम्बा, अर्निया आणि आऱएस़ पुरा भागात पाकने तीनदा शस्त्रसंधीचे उल्लंघन केले आहे़ जानेवारी महिन्यातही पाकने अनेकदा शस्त्रसंधीचे उल्लंघन केले़ यात चार जणांचा मृत्यू, तर सात जण जखमी झाले होते़ (वृत्तसंस्था)