प्रियकराच्या भरवशावर गर्लफ्रेंडने झाडावरुन उलट्या दिशेने मारली उडी, अन्...; पाहा Video

काहीतरी करण्याच्या नादात किती तरी कपल आपला जीवही धोक्यात टाकतात. सध्या असाच एक व्हिडिओ सोशल मीडियावर व्हायरल होत आहे. 

प्रेम आंधळं असतं,  प्रेमात अनेक परीक्षा द्यावा लागतात, असं प्रेमाबद्दल आपण बरंच ऐकलं आहे. तुझं माझ्यावर किंवा माझं तुझ्यावर किती प्रेम आहे, किती विश्वास आहे हे अनेकदा सिद्ध करावं लागतं. असं काहीतरी करण्याच्या नादात किती तरी कपल आपला जीवही धोक्यात टाकतात. सध्या असाच एक व्हिडिओ सोशल मीडियावर व्हायरल होत आहे. 

सदर व्हिडिओमध्ये प्रियकराच्या विश्वासावर एक तरुणी उंच झाडावरून उलट्या दिशेने उडी मारते. तिचा बॉयफ्रेंड झाडाच्या खाली उभा राहतो आणि आपले दोन्ही हात वर करून तिला आपल्या हातांमध्ये झेलतो. तरुणी इतक्या उंचावरून वेगाने पडल्याने तिला पकडताना तरुणाचाही बॅलेन्स थोडा बिघडतो. त्यावेळी आपल्या काळजाचाही ठोका चुकतोय. पण तरुण कसंबसं स्वतःला सावरतो. त्यानंतर त्याची पार्टनरही थोडी घाबरलेली दिसते. पण तरुण तिचा विश्वास जिंकतोच. पण थोडा जरी नेम चुकला असता तर तरुणीला गंभीर दुखापतही झाली असती.

end_gallbaat1 इन्टाग्राम अकाऊंटवर हा व्हिडीओ पोस्ट करण्यात आला आहे. यावर संमिश्र प्रतिक्रिया येत आहेत. काही जणांनी तरुणाचं कौतुक केलं आहे तर काही जणांनी या कपलचं कृत्य म्हणजे वेडेपणा असल्याचं म्हटलं आहे. मुलीला पकडताना जर मोठी दुर्घटना झाली असती तर काय झालं असतं, अशी चिंता बहुतेकांनी व्यक्त केली आहे.