झाडावर उलटे चढणारा अवलिया

लहानपणी तुम्हीही कधी झाडावर चढला असाल किंवा चढण्याचा प्रयत्न केला असेल. झाडावर चढणे सोपे नसते. भल्याभल्यांना ते जमत नाही.

नवी दिल्ली : लहानपणी तुम्हीही कधी झाडावर चढला असाल किंवा चढण्याचा प्रयत्न केला असेल. झाडावर चढणे सोपे नसते. भल्याभल्यांना ते जमत नाही. झाडावर सरळ चढणेच सोपे नसताना झाडावर कोणी उलटे चढत असेल तर? तुम्हाला ऐकून खरे वाटणार नाही; परंतु हे खरे आहे. हरियाणातील एक व्यक्ती झाडावर उलटे चढतो. मुकेश असे त्याचे नाव असून, त्याला झाडावर उलटे चढण्याचा छंद आहे. आपण झाडावर सरळ जसे चढतो तसे तो अगदी सहजपणे उलटे चढतो. मुकेशला लहानपणापासूनच झाडावर चढण्याचा छंद आहे. सुरुवातीला तो झाडावर सरळ चढत असे मात्र नंतर उलटे चढू लागला. उलटे चढणे सुरुवातीला खूप कठीण जायचे; मात्र आता तो सहजपणे चढतो. आधी तो केवळ दोन ते तीन फूटच उलटे चढू शकत होता; मात्र त्याने हिंमत सोडली नाही. उलटे चढण्याचे त्याने सतत प्रयत्न केले. यादरम्यान अनेकदा त्याला इजाही झाली. आता तो ५० फुटाचे झाड अगदी सरसर उलटे चढतो आणि ते देखील केवळ पाच मिनिटांत.