'या' राज्याच्या विधानसभेत नमाजसाठी देण्यात आली रूम; भाजपनं केली हनुमान मंदिर बांधण्याची मागणी

यावर बोलताना माजी सभापती आणि भाजप नेते सीपी सिंह म्हणाले, मी नमाज पठणासाठी दिलेल्या रूमच्या विरोधात नाही, पण त्यांनी झारखंड विधानसभा परिसरात मंदिरही बांधायला हवे. मी तर अशीही मागणी करतो, की तेथे हनुमान मंदिर बांधायला हवे.

झारखंडच्या नवीन विधानसभा इमारतीत नमाज पठणासाठी एक स्वतंत्र रूम देण्यात आली आहे. आता यावरून वाद निर्माण झाला आहे. विधानसभा सचिवालयाने जारी केलेल्या आदेशात, म्हणण्यात आले आहे, की नवीन विधानसभा इमारतीत नमाज पठणासाठी रूम नंबर TW-348 देण्यात आली आहे. 2 सप्टेंबर रोजी जारी झालेला हा आदेश समोर येताच, आता वाद सुरू झाला आहे. जर नमाजसाठी रूम दिली गेली असेल, तर त्यात हनुमानजींचे मंदिरही बांधण्यात यायला हवे, अशी मागणी भाजपने केली आहे. (Room allotted for offering namaz in new assembly building in Jharkhand bjp said hanuman temple should also be built)

यावर बोलताना माजी सभापती आणि भाजप नेते सीपी सिंह म्हणाले, मी नमाज पठणासाठी दिलेल्या रूमच्या विरोधात नाही, पण त्यांनी झारखंड विधानसभा परिसरात मंदिरही बांधायला हवे. मी तर अशीही मागणी करतो, की तेथे हनुमान मंदिर बांधायला हवे. जर सभापतींनी मंजुरी दिली, तर आम्ही स्वखर्चाने मंदिर बांधू शकतो. याशिवाय, लोकशाहीचे मंदिर हे लोकशाहीचे मंदिरच असायला हवे,असे भाजप नेते बाबूलाल मरांडी यांनी म्हटले आहे. नमाजसाठी स्वतंत्र रूम देणे चुकीचे आहे. आम्ही या निर्णयाविरोधात आहोत.

I'm not against Namaz room but then they should also build a temple at Jharkhand Vidhan Sabha premises. I even demand that Hanuman Temple should be set up there. If Speaker approves we can build the temple at our own cost: Former speaker & BJP leader CP Singh pic.twitter.com/5YBEDWgGBM

— ANI (@ANI) September 4, 2021

भाजपचे आमदार अनंत ओझा यांनी ट्विट करून यावर प्रश्न उपस्थित केला आहे, की हे काय सभापती महोदय, आता राज्यातील सर्वात मोठी पंचायतही तुष्टीकरणाला खत-पाणी घालण्याच्या मार्गावर? झारखंड विधानसभेत नमाज पठणासाठी स्वतंत्र रूम. झारखंडचे लोक सर्व पाहत आहेत. सर्वधर्म संभावाच्या मूळ आत्म्याला कलंकित करण्याचा निर्णय. 

ये क्या #स्पीकर साहब ,अब राज्य की सबसे बड़ी पंचायत भी #तुष्टिकरण को पोषित करने की राह पर?#झारखंड_विधानसभा#विधानसभा में #नमाज़ अदा करने के लिए कक्ष#Jharkhand की जनता सब देख रही है #सर्वधर्म समभाव की मूल आत्मा को कलंकित करने वाला निर्णय @BJP4India@BJP4Jharkhandpic.twitter.com/Zp1hl5iabW

— Anant Ojha BJP (@Anant_Ojha_BJP) September 4, 2021

दुसरीकडे, झारखंड भाजपचे प्रवक्ता प्रतुल शाह देव यांनी म्हटले आहे, की सर्व बाजूंनी अपयश आले, की लक्ष विचलित करण्याचा प्रयत्न करा. झारखंडच्या इतिहासात प्रथमच विधानसभा भवनमध्ये नमाज पठणासाठी नमाज भवन बांधण्यात आले. तुष्टीकरणाच्या सर्व मर्यादा ओलांडल्या गेल्या आहेत. विधानसभेत बहुसंख्य समाजासाठी मंदिर किंवा प्रार्थना सभागृहाची तरतूद आहे का?