पश्चिम बंगालच्या संदेशखलीत पुन्हा राडा; TMC कार्यकर्त्याला महिलांनी बेदम चोपले

या घटनेचा व्हिडिओ सध्या व्हायरल होत आहे.

Sandeshkhali Video : लोकसभा निवडणुकीचा प्रचार शिगेला पोहचला आहे. तीन टप्प्यातील मतदान झाले असून, चौथ्या टप्प्यातील मतदानासाठी विविध पक्षाचे कार्यकर्ते जोमाने प्रचार करत आहेत. अशातच, पश्चिम बंगालमध्ये प्रचार करणाऱ्या तृणमूल काँग्रेसच्या कार्यकर्त्याला महिलांना कपडे फाटेपर्यंत बेदम मारहाण केल्याची घटना समोर आली आहे. या घटनेचा व्हिडिओही सध्या व्हायरल होतोय.

पश्चिम बंगालच्या संदेशखलीमधील महिलांवर झालेल्या अत्याचाराचा मुद्दा संपूर्ण देशात पेटला. या घटनेतील आरोपी टीएमसी नेता असल्यामुळे भाजपने हा मुद्दा चांगलाच उचलून धरला आहे. याच संदेशखली भागात पुन्हा एकदा तणावाचे वातावरण पाहायला मिळाले. टीएमसीच्या कार्यकर्त्यांना महिलांनी पाठलाग करुन बेदम मारहाण केली. एवढंच नाही, तर या महिलांनी त्यांचे कपडेही फाडले. 

#WATCH | West Bengal: A clash broke out between TMC and BJP workers in Sandeshkhali, more details awaited. pic.twitter.com/4Cnh3F9RNM

— ANI (@ANI) May 12, 2024

वृत्तसंस्था एएनआयने दिलेल्या माहितीनुसार, हा हल्ला तृणमूल काँग्रेसचे आमदार सुकुमार महतो यांचे सहकारी ततन गायन यांच्यावर झाला आहे. व्हिडिओमध्ये दिसत आहे की, काही महिला आणि जमाव एका पुरुषाच्या मागे धावतो आणि त्याला पकडून बेदम मारहाण करतो. या घटनेनंतर स्थानिकांनी संदेशखली पोलीस ठाण्यालाही घेराव घालतला.