्रपंचवटीत बेवारस बॅग सापडल्याने खळबळ

प�

��चवटी : येथील मालवीय चौकातील नाशिक मर्चंट को-ऑपरेटिव्ह बँकेसमोर बेवारस बॅग आढळल्याने परिसरात खळबळ उडाली होती़ बॉम्बशोधक व नाशक पथकाने या बॅगची तपासणी केल्यानंतर त्यात काही आक्षेपार्ह न सापडल्याने सर्वांनीच सुटकेचा नि:श्वास सोडला़
नामको बँकेसमोरील एक बंद गाळ्यासमोर एक बेवारस बॅग सापडल्याने परिसरात खळबळ उडाली होती़ याबाबत नागरिकांनी पोलिसांना कळविल्यानंतर अवघ्या काही वेळात पोलीस फौजफाट्यासह बॉम्बशोधक व नाशक पथक घटनास्थळी दाखल झाले़ या बॅगची तपासणी केल्यानंतर ती उघडली असता त्यामध्ये ब्लँकेट व गोधडी असे साहित्य आढळून आले़
दरम्यान, ही बॅग एखाद्या प्रवाशाकडून चोरल्याची वा कोणीतरी विसरल्याचा अंदाज पोलिसांनी वर्तविला आहे़ दरम्यान, या बेवारस बॅगमुळे पंचवटी परिसरात मोठी खळबळ उडाली होती़ (वार्ताहर)