सेक्स स्कॅण्डल : प्रज्वलविरोधात अटक वॉरंट

बंगळुरू : कर्नाटकातील कथित सेक्स स्कॅण्डल प्रकरणातील आरोपी व जनता दलाचे (धर्मनिरपेक्ष) खासदार प्रज्वल रेवण्णाविरोधात विशेष न्यायालयाकडून अटक वॉरंट जारी करण्यात आले.

सेक्स स्कॅण्डल प्रकरणाचा तपास करणाऱ्या विशेष तपास पथकाच्या शिफारशीनंतर विशेष न्यायालयाने हे अटक वॉरंट जारी केले. या प्रकरणात प्रज्वलचे वडील आणि होलेनरासीपुराचे आमदार एच. डी. रेवण्णा हेदेखील आरोपी आहेत. माजी पंतप्रधान एचडी देवेगौडा यांचे पुत्र एच. डी. रेवण्णा एका महिलेचे अपहरण केल्याच्या आरोपाखाली सात दिवस तुरुंगात घालवल्यानंतर जामिनावर बाहेर आले आहेत.

जदयूचे हसन लोकसभा उमेदवार प्रज्वल यांच्याविरूद्ध तीन महिलांनी लैंगिक अत्याचाराचे २६ एप्रिल, ८ मे आणि १० मे रोजी तीन गुन्हे दाखल केले आहेत. त्यांच्याविरोधात इंटरपोलने ब्लू कॉर्नर नोटीस जारी केली आहे. प्रज्वल यांच्याकडून कथितपणे लैंगिक अत्याचाराचे व्हिडीओ सार्वजनिक झाल्यानंतर प्रज्वल अडचणीत आले. त्यानंतर, कर्नाटक सरकारने प्रज्वल यांच्या या महिलांवरील कथित अत्याचाराच्या चौकशीसाठी सरकारने एसआयटी पथकाची स्थापनना केली होती.