पाकिस्तानच्या सिमरनला हवं भारतीय नागरिकत्व; सांगितली मुलींवरील अत्याचाराची आपबिती

सिमरनने डीएमला सांगितले की, ती 27 सप्टेंबर 2013 रोजी तिची मावशी बरजी बाईसोबत पाकिस्तानातून भारतात आली होती. ती गेल्या दहा वर्षांपासून अलीगडमध्ये तिच्या आजी-आजोबांच्या घरी व्हिसावर राहत आहे.

पाकिस्तानमध्ये अल्पसंख्याक हिंदू कुटुंबांवर अत्याचाराची अनेक प्रकरणे समोर येत आहेत. 27 सप्टेंबर 2013 रोजी पाकिस्तानात राहणारी सिमरन तिची काकी बरजी बाईसोबत पाकिस्तानातून भारतात (यूपीमधील अलीगड) आली. त्यानंतर ती लाँग टर्म व्हिसावर तिच्या आजी-आजोबांच्या घरी राहत आहे. तिने भारतीय नागरिकत्व मिळण्यासाठी अलीगडच्या डीएमकडे अर्ज केला आहे. सिमरन वैद्यकीय शिक्षण घेत आहे.

सिमरन नावाची मुलगी तिच्या आजोबांसोबत अलीगडचे डीएम इंद्र विक्रम सिंह यांना भेटण्यासाठी आली होती. सिमरनने डीएमला सांगितले की, ती 27 सप्टेंबर 2013 रोजी तिची मावशी बरजी बाईसोबत पाकिस्तानातून भारतात आली होती. ती गेल्या दहा वर्षांपासून अलीगडमध्ये तिच्या आजी-आजोबांच्या घरी व्हिसावर राहत आहे. सिमरनने डीएमला सांगितले की ती अलीगड मुस्लिम विद्यापीठातून बीडीएसचे शिक्षण घेत आहे. तिला भारतीय नागरिकत्व हवे आहे. सिमरने सांगितले की, तिने 2019 मध्ये भारतीय नागरिकत्वासाठी अर्जही केला होता.

डीएम इंद्र विक्रम सिंह यांनी सिमरनच्या सर्व गोष्टी ऐकल्या. सिमरनला तिचे नाव उर्दूमध्ये कागदावर लिहायला लावले. याप्रकरणी डीएम सांगतात की, शहरात राहणाऱ्या पाकिस्तानी नागरिकांनी नागरिकत्वासाठी अर्ज केला आहे. याबाबत राज्य आणि केंद्र पातळीवर निर्णय घ्यावा लागेल. सरकारच्या सूचनेच्या आधारे, तपासणी आणि आक्षेप निकाली काढल्यानंतर, भारतीय नागरिकत्व देण्यासाठी सुधारित माहिती आणि शिफारसीसह विस्तृत अहवाल पाठविला जात आहे. सिमरन आणि तिची मावशी बरजी बाई यांच्या भारतीय नागरिकत्वाबाबत लवकरच निर्णय होण्याची शक्यता आहे.

सिमरनने सांगितले की, तिचे आई-वडील, दोन भाऊ आणि आत्या पाकिस्तानच्या सिंध प्रांतातील जाफराबाद येथे राहतात. त्यांनाही भारतात यायचे आहे. पाकिस्तानात हिंदू भगिनी आणि मुलींवर अत्याचार आणि अराजकतेला सामोरे जावे लागत आहे. या घटनांमुळे ती इतकी घाबरली की ती पाकिस्तानातून थेट अलीगडमध्ये तिच्या आजोबांकडे आली. भारत आणि पाकिस्तानच्या वातावरणात फरक आहे.

सिमरनचे आजोबा रमेशलाल यांनी सांगितले की, पाकिस्तानी नागरिक असल्याने तो आणि त्याचे कुटुंब एलटीव्ही म्हणजेच दीर्घकालीन व्हिसाद्वारे अलीगढमध्ये राहत होते. रमेशलाल यांनी सांगितले की, त्यांनी 2015 मध्ये पत्नी लाजवंती, मुलगा कैलाश आणि मुलगी पूजा यांच्या नागरिकत्वासाठी अर्ज केला होता. त्यांचा एक मुलगा हरेशलाल सध्या बलुचिस्तानमध्ये राहतो, तर दुसरा मुलगा शंकरलाल आणि सून बरजी बाई 2013 मध्ये अलीगडला आले. त्यांनी नागरिकत्वासाठी अर्जही केला आहे. एका हिंदी वेबसाईटने याबाबतचे वृत्त दिले आहे.