“बनावट गोष्टी कोणीही ऐकणार नाही,” सिसोदियांबाबतच्या केजरीवालांच्या दाव्यानंतर स्मृती इराणींचा निशाणा
By ऑनलाइन लोकमत | Published: June 2, 2022 03:41 PM2022-06-02T15:41:43+5:302022-06-02T15:42:06+5:30
मनीष सिसोदिया यांनाही तुरूंगात टाकण्याचा डाव असल्याचा आरोप केजरीवाल यांनी केला होता.
“बनावट गोष्टी कोणीही ऐकणार नाही,” सिसोदियांबाबतच्या केजरीवालांच्या दाव्यानंतर स्मृती इराणींचा निशाणा
Next सत्येंद्र जैन यांच्यानंतर केंद्र सरकार मनीष सिसोदिया यांना बनावट आरोपांनुसार अटक केली जाणार आहे असं आपल्याला विश्वासार्ह सूत्रांकडून संगण्यात आल्याचा खळबळजनक आरोप दिल्लीचे मुख्यमंत्री अरविंद केजरीवाल यांनी केला होता. त्यांच्या या दाव्यानंतर केंद्रीय मंत्री स्मृती इराणी यांनी केजरीवाल यांच्यावर जोरदार टीका केली."खोट्या रडक्या कथा पसरवण्याऐवजी, स्वतःला निर्दोष सिद्ध करणे सोपे होईल कारण आता लोक ते ऐकणार नाहीत. एकाही प्रश्नाचं उत्तर न देता केजरीवाल यांनी एक प्रकारे त्यांच्या मंत्र्याची हवाला संबंध मान्य केले आहेत,” असं ट्वीट स्मृती इराणी यांनी केजरीवाल यांच्या पत्रकार परिषदेनंतर केलं.
स्मृती इराणी यांनी बुधवारी पत्रकार परिषदेत केजरीवाल यांच्यावर निशाणा साधला. सत्येंद्र जैन यांनी २०१०-११ ते २०१५-१६ या कालावधीत हवाला ऑपरेटर्सच्या मदतीने कोलकातामधील ५६ बनावट कंपन्यांचा वापर करून १६.३९ कोटी रुपयांचा गैरव्यवहार केला नव्हता का? हे केजरीवाल नाकारू शकतात का असा सवाल इराणी यांनी केला होता. "आयकर आयुक्तांनी हे मानलं की १६.३९ कोटींचं बेहिशोबी उत्पन्न अंकुश जैन आणि वैभव जैन यांचं नसून सत्येंद्र जैन याचे खरे मालक होते हे खरं आहे का?,“ असा सवालही त्यांनी केला होता.
Conspiracy theorist strikes back!
— Smriti Z Irani (@smritiirani) June 2, 2022
By not answering a single pointed question, Kejriwal Ji has in a way admitted to the Hawala nexus of his Minister.
It would be easier to come out ‘clean’ for once instead of peddling fake sob stories which do not have any takers anymore.
काय म्हणाले होते केजरीवाल?
सत्येंद्र जैन यांना ईडीनं कथितरित्या मनी लाँड्रिंग प्रकरणी अटक केली आहे. याबाबातच दिल्लीचे मुख्यमंत्री अरविंद केजरीवाल यांनी गुरूवारी एका पत्रकार परिषदेचं आयोजन केलं होतं. “मला वाटतं सत्येंद्र जैन आणि मनीष सिसोदिया यांना खोट्या प्रकरणांमध्ये तुरुंगात टाकून या लोकांना दिल्लीत शिक्षण आणि आरोग्य क्षेत्रात सुरू असलेले चांगले काम थांबवायचे आहे. पण काळजी करू नका, मी तसे होऊ देणार नाही. सर्व चांगली कामं सुरूच राहील,” असं केजरीवाल म्हणाले.
“मी काही महिन्यांपूर्वीच सांगितलं होतं केंद्र सरकार बनावट प्रकरणात सत्येंद्र जैन यांना अटक करणार आहे. माझ्या विश्वसनीय सूत्रांनी मला लवकरच सिसोदिया यांना अटक केली जाणार असल्याचं सांगितलं आहे. केंद्रानं त्यांच्याविरोधात बनावट प्रकरणं तयार करण्याचे आदेश दिले आहेत,” असा आरोप त्यांनी केला.