सोनिया गांधी सर गंगाराम रुग्णालयात, उपचार सुरू
By ऑनलाइन लोकमत | Published: January 5, 2023 06:03 AM2023-01-05T06:03:23+5:302023-01-05T06:09:34+5:30
सूत्रांनी सांगितले की, सोनिया गांधी मंगळवारपासून आजारी आहेत. त्यांना श्वसनमार्गाच्या संसर्गामुळे त्रास होत होता.
सोनिया गांधी सर गंगाराम रुग्णालयात, उपचार सुरू
Next नवी दिल्ली : काँग्रेसच्या माजी अध्यक्ष सोनिया गांधी यांना श्वसनमार्गाच्या संसर्गाच्या उपचारासाठी बुधवारी येथील सर गंगाराम हॉस्पिटलमध्ये दाखल करण्यात आले. त्यांच्या कन्या काँग्रेसच्या सरचिटणीस प्रियांका गांधी त्यांच्यासोबत आहेत.
हॉस्पिटलच्या व्यवस्थापन मंडळाचे अध्यक्ष डॉ. अजय स्वरूप यांना याबाबत सविस्तर माहिती प्रसारमाध्यमांना दिली. यावेळी डॉ. स्वरुप म्हणाले की, सोनिया गांधी यांना येथील हॉस्पिटलमध्ये दाखल करण्यात आले आहे. डॉ. अरूप बसू आणि त्यांच्या टीमच्या देखरेखीखाली त्यांच्यावर उपचार सुरू आहेत.
सूत्रांनी सांगितले की, सोनिया गांधी मंगळवारपासून आजारी आहेत. त्यांना श्वसनमार्गाच्या संसर्गामुळे त्रास होत होता. त्यामुळेच मंगळवारी रात्री काँग्रेसचे नेते राहुल गांधी आणि प्रियांका गांधी हे उत्तरप्रदेशात प्रवेश करणाऱ्या भारत जोडो यात्रेत सात किमी पायी चालल्यानंतर दिल्लीला परतले.
भारत जोडो यात्रा उत्तरप्रदेशातील बागपतच्या मवीकलां येथे मुक्कामी होती. त्यानंतर बुधवारी सकाळी ६ वाजता यात्रा पुन्हा सुरू झाली. मात्र, प्रियांका गांधी या यात्रेत राहुल गांधी यांच्यासोबत सहभागी झाल्या नाहीत.