पाऊस पडावा म्हणून लोकांचं अजब कृत्य; लावले दोन बेडकांचे लग्न!

बेडकाच्या लग्नाचा एक व्हिडीओ व्हायरल होत असून यात नर आणि मादी बेडूक लग्नाच्या कपड्याने झाकलेले असतात.

उत्तर भारतात लोक मान्सूनची आतुरतेने वाट पाहत आहे. पाऊस कमी होईल, अशी भीतीही लोकांमध्ये आहे. अशा स्थितीत पाऊस पडावा म्हणून लोकांनी दोन बेडकांची लग्ने लावल्याचा प्रकार वाराणसीमध्ये समोर आला आहे. चांगला पाऊस पडावा म्हणून नर व मादी बेडकाचा विवाह लावण्यात आला. पावसाची देवता प्रसन्न व्हावी आणि उष्णतेपासून दिलासा मिळावा म्हणून हा विवाह करण्यात आला. 

बेडकाच्या लग्नाचा एक व्हिडीओ व्हायरल होत असून यात नर आणि मादी बेडूक लग्नाच्या कपड्याने झाकलेले असतात. लग्नात अनेकजण पाहुणे म्हणून आले होते.

व्हिडीओनुसार, भटजी बेडकाचे विधीनुसार लग्न लावत आहेत. पावसाचा देव प्रसन्न व्हावा म्हणून हे लग्न करण्यात आले. पूर्वी लोक चांगला पाऊस पडण्यासाठी बेडकांची लग्ने लावत, मात्र आता लोक याला अंधश्रद्धा म्हणत आहेत, असे भटजींनी सांगितले. लग्नासाठी अनेक लोक पाहुणे म्हणून उपस्थित असल्याचे आणि महिला गाणी म्हणत असल्याचे दिसते.