देश उन्नत अन् सक्षम करण्यासाठी पंतप्रधान मोदींचे नेतृत्व बळकट करा; सुधीर मुनगंटीवर यांचे आवाहन

मंदसौर लोकसभा मतदार संघातील मनासा येथे आयोजित संयुक्त मोर्चा संमेलनात ते बोलत होते.

विश्वगौरव पंतप्रधान नरेंद्र मोदींनी देशाच्या सर्वांगिण प्रगतीसाठी आणि जागतिक स्तरावर भारताला प्रत्येक क्षेत्रात "नंबर वन" करण्यासाठी नवीनतम संकल्पनांसह अविश्रांत प्रयत्न सुरू केले आहेत; देश उन्नत आणि सक्षम करण्यासाठी त्यांचे नेतृत्व बळकट करण्याची जबाबदारी भाजपाच्या कार्यकर्त्यांची असून त्यासाठी पुढाकार घ्या असे आवाहन महाराष्ट्राचे मंत्री सुधीर मुनगंटीवार यांनी केले.

मंदसौर लोकसभा मतदार संघातील मनासा येथे आयोजित संयुक्त मोर्चा संमेलनात ते बोलत होते. सुधीर मुनगंटीवार पुढे म्हणाले की, कॉंग्रेस पक्ष हा मायावी राक्षसाप्रमाणे आहे; सतत खोटे बोलून जनतेला संभ्रमात टाकण्याचा  कॉंग्रेस नेत्यांचा प्रयत्न असतो, तो आपल्याला हाणून पाडायचा आहे. भाजपाच्या कार्यकर्त्यांकडे निष्ठा आहे. परिश्रमाची तयारी आहे. राष्ट्रभावना ओतप्रोत भरून आहे. तरीही गाफील राहून चालणार नाही. नरेंद्र मोदी यांना आपल्यासारख्या निष्ठावान साथीदारांची आवश्यकता आहे, त्यामुळे तुम्ही तयार रहा असे, आवाहन मुनगंटीवार यांनी केले.  

काँग्रेसने महिला, युवक, आदिवासी, सामान्य जनता, व्यापारी कुणाचेच भले केलेले नाही. जाती जातीत तेढ निर्माण करणे हाच काँग्रेसचा कार्यक्रम आहे. त्यामुळे जनतेला आपण सावध केले पाहिजे. पंतप्रधान मोदींनी कोरोना काळात ८० कोटी लोकांना मोफत अन्न धान्य पुरविले, जे जगात कोणीही करू शकलेले नाही. माझा एकही देशबंधव संकटकाळात उपाशी झोपता कामा नये, हा एकच ध्यास घेऊन मोदी काम करीत होते, असं सुधीर मुनगंटीवार यांनी सांगितले.