कौटुंबिक वादातून पित्याने भररस्त्यात मुलाची हत्या करून केली आत्महत्या
By Admin | Published: June 7, 2016 11:09 AM2016-06-07T11:09:51+5:302016-06-07T11:10:49+5:30
कौटुंबिक वादातून एका पित्याने स्वत:च्या ३ वर्षांच्या मुलाला भररस्त्यात गोळ्या घालून संपवले व त्यानंतर स्वत:ही जीवन संपवल्याची धक्कादायक घटना राजस्थानमध्ये घडली.
कौटुंबिक वादातून पित्याने भररस्त्यात मुलाची हत्या करून केली आत्महत्या
Next जयपूर, दि. ७ - कौटुंबिक वादातून एका पित्याने स्वत:च्या ३ वर्षांच्या मुलाला भररस्त्यात गोळ्या घालून संपवले व त्यानंतर स्वत:ही जीवन संपवल्याची धक्कादायक घटना राजस्थानच्या हुनमानगडमध्ये सोमवारी घडली. रायसिंग गोडोरा असे त्या मृत इसमाचे नाव असून गुलशन असे त्याच्या तीन वर्षांच्या मुलाचे नाव होते, अशी माहिती पोलिसांनी दिली.
शेतकरी असलेल्या रायसिंगचे व त्याच्या पत्नीचे पटत नसल्याने दोन वर्षांपूर्वीच ते दोघे वेगळे राहू लागले व त्यांनी घटस्फोटासाठीही अर्ज केला होता. मात्र गुलशन हा त्यांचा मुलगा, वडिलांसोबतच रहात असे.
पत्नीशी काहीतरी महत्वाचे बोलायचे असल्याने सोमवारी रायसिंग आपल्या मुलाला घेऊन पत्नीला भेटण्यास गेला. मात्र त्यावेळी ती कामावर जात असल्याने तिने थांबून रायसिंगशी बोलण्यास नकार दिला. यामुळे चिडलेल्या रायसिंगने पिस्तुल काढून त्याची पत्नी व तिच्या कुटुंबियांवर गोळ्या झाडल्या, मात्र ते तिथून कसेबसे निसटले. त्यानंतर संतापाच्या भरात रायसिंगने प्रथम मुलगा गुलशनवर गोळ्या झाडल्या आणि स्वत:चेही जीवन संपवले.
या घटनेत अवघ्या तीन वर्षांचा गुलशन जागीच ठार झाला तर रायसिंगने रुग्णालयात उपचारांदरम्यान अखेरचा श्वास घेतला.