सनराइजर्स

व�

��र्नर,धवनची धमाल
सनराइजर्सचा चॅलेंजर्सला धक्का
बेंगळुरू : कर्णधार डेव्हिड वॉर्नर आणि शिखर धवन यांनी फलंदाजीत अर्धशतकी धमाल करीत आयपीएल-८ मध्ये सोमवारी सनरायजर्स हैदराबादला रॉयल चॅलेंजर्स बेंगळुरूवर आठ गड्यांनी सहज विजय नोंदवून दिला. आरसीबीच्या १६७ धावांचा पाठलाग करणाऱ्या सनरायजर्सकडून वॉर्नरने ५७ आणि धवनने नाबाद ५० धावा ठोकल्या. लोकेश राहुलच्या नाबाद ४४ धावांच्या योगदानामुळे हैदराबादने १७.२ षटकांत दोन गड्यांच्या मोबदल्यात १७२ धावा करीत पहिला विजय साकार केला. धवन-वॉर्नर यांनी सलामीला ८२ तसेच धवन-राहुल यांनी तिसऱ्या गड्यासाठी ७८ धावांची नाबाद भागीदारी केली.
त्याआधी सनरायजर्सचे गोलंदाज ट्रेंट बोल्ट याने ३६ धावांत तीन व भुवनेश्वर कुमार तसेच रवी बोपारा यांच्या प्रत्येकी दोन बळींमुळे आरसीबीचा डाव १९.५ षटकांत १६६ धावांत संपुष्टात आला. लेग स्पिनर कर्ण शर्मा याने चार षटकांत २० धावा देत एक गडी बाद केला.
हैदराबादने जलद सुरुवात केली. वॉर्नर-धवन यांनी पहिल्या सहा षटकात संघाच्या ६५ धावा फळ्यावर लावल्या. वॉर्नरने २४ चेंडू टोलवीत अर्धशतक नोंदविले. तो यजुर्वेद्र चहलच्या चेंडूवर पायचित झाला. वॉर्नरने २७ चेंडूत सहा चौकार आणि चार षटकार खेचले. केन विलियम्सन (५) हा लवकर बाद झाला.
सनरायजर्सला सहा षटकांत ४३ धावांची गरज होती. धवनने ४१ चंेडूंवर अर्धशतक गाठले, तर राहुलने चौकार व षटकार ठोकून संघाच्या विजयावर शिक्कामोर्तब केले. (वृत्तसंस्था)