ख्रिसमस सेलिब्रेशनऐवजी करणार चेन्नई पूरग्रस्तांना मदत - चर्च ऑफ साऊथ इंडियाचा निर्णय

चेन्नईतील पूराच्या पार्श्वभूमीवर चर्च ऑफ साऊथ इंडिया' या ख्रिस्ती संघटनेने ख्रिसमसचे सेलिब्रेशन रद्द करून चेन्नईतील पूरग्रस्तांना मदत करण्याचा निर्णय घेतला आहे.

ऑनलाइन लोकमत

चेन्नई, दि. ११ - शतकातील सर्वात भयंकर पाऊस व पुरामुळे तामिळनाडूसह चेन्नईतील जीवन उद्ध्वस्त झालेले असून पाणी ओसरले तरी पुरामुले शहराचे अपरिमित नुकसान झाले आहे. चारही बाजूंनी मदतीचा ओघ येत असला तरी चेन्नईला असून मोठ्या आर्थिक व मानसिक आधाराची गरज आहे. हे ओळखूनच 'चर्च ऑफ साऊथ इंडिया' या ख्रिस्ती संघटनेने ख्रिसमसचे सेलिब्रेशन रद्द करून चेन्नईतील पूरग्रस्तांना मदत करण्याचा निर्णय घेतला आहे. 

'या वर्षी ख्रिसमस साजरा न करण्याचा निर्णय चर्चने घेतला आहे, असे इमॅन्युअल देवाकाडाचियम यांनी सांगितले. ख्रिसमस सेलिब्रेट करण्याऐवजी आम्ही तो वेळ आणि ती शक्ती पूरग्रस्तांची मदत व पुनवर्सनासाठी वापरू, असे ते म्हणाले. यासाठी चर्चतर्फे एक निवेदनही काढण्यात आले आहे.