अरे देवा! बँक मॅनेजरच्या बायकोच्या डोक्यात संशयाचं भूत; दिवसातून 20 वेळा करते Video कॉल

पतीला दिवसातून 20 वेळा व्हिडीओ कॉल करते, पण जेव्हा तो कॉल उचलत नाही, तेव्हा तिचा संशय अधिक वाढतो.

पतीच्या हालचालींवर संशय असल्याने पत्नीने त्याच्यावर हेरगिरी करण्याचा नवा मार्ग शोधला आहे. या ना त्या कारणाने ती तिच्या पतीला दिवसातून 20 वेळा व्हिडीओ कॉल करते, पण जेव्हा तो कॉल उचलत नाही, तेव्हा तिचा संशय अधिक वाढतो. पतीचे दुसऱ्या महिलेसोबत अफेअर असल्याचा पत्नीला संशय आहे. तो रोज उशीरा घरी पोहोचतो. विचारल्यावर बरोबर उत्तर देत नाही. 

पत्नीने कौटुंबिक समुपदेशन केंद्रात पतीची तक्रार केली आहे. सिकंदरा परिसरात आठ महिन्यांपूर्वी एका मुलीचा विवाह झाला होता. मिळालेल्या माहितीनुसार, मुलीचा नवरा बँकेत मॅनेजर आहे. दोघेही एका घरात एकत्र राहतात, मात्र दोघांमध्ये आता वाद निर्माण झाला आहे. पतीचे दुसऱ्या महिलेसोबत अफेअर असल्याचा पत्नीचा आरोप आहे. त्यामुळे तो घरी उशीरा येतो आणि न सांगता निघून जातो, तर पती म्हणतो की ती त्याची हेरगिरी करते. 

दिवसभरात, पत्नी त्याला चहा पिण्याच्या, जेवणाच्या, काही वेळा काहीतरी विचारण्याच्या बहाण्याने दिवसातून 20 वेळा व्हिडीओ कॉल करते. इतकंच नाही तर सध्याच्या ठिकाणाचं लोकेशन पाठवायला सांगते.  पत्नीच्या या कृत्यांमुळे तो कंटाळला आहे. या सर्व गोष्टींना नकार देताच पत्नीने कुटुंब समुपदेशन केंद्रात तक्रार केली. बँक मॅनेजर पती म्हणतात की लग्नाच्या तीन महिन्यांपर्यंत सर्व काही ठीक होते. 

कधी कधी बँकेत जास्त काम असते. घरी परतायला उशीर होतो. सर्व लोकांशी बोलावे लागेल. पूर्वी त्याची बायको त्याला उशीरा येण्याबद्दल विचारपूस करायची, पण आता तिला त्याच्यावर संशय येतो. यामुळेच ती त्याला वारंवार व्हिडीओ कॉल करून त्याची हेरगिरी करते. पत्नीला अनेकदा सांगितले, पण ती मानायला तयार नाही. समुपदेशनादरम्यान, समुपदेशकाने दोघांनाही शांत करण्याचा प्रयत्न केला, परंतु गोष्टी पूर्ण होऊ शकल्या नाहीत. एका हिंदी वेबसाईटने याबाबतचे वृत्त दिले आहे. 

सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"