ताहिर हुसेनला भर चौकात गोळ्या घालायला हव्यात; भाजपा आमदाराचे वक्तव्य
By ऑनलाइन लोकमत | Published: March 6, 2020 05:01 PM2020-03-06T17:01:34+5:302020-03-06T17:18:49+5:30
उत्तर प्रदेशमधील भाजपाचे आमदार संगीत सोम यांनी गुरुवारी पत्रकारांसोबत बोलताना हे वक्तव्य केले.
ताहिर हुसेनला भर चौकात गोळ्या घालायला हव्यात; भाजपा आमदाराचे वक्तव्य
मुजफ्फरनगर : दिल्ली हिंसाचारावेळी घरातून पेट्रोल बॉम्ब, दगड, अॅसिड हल्ला करणाऱा आपचा निलंबित नगरसेवक कालच पोलिसांना शरण आला आहे. या ताहिर हुसेन हा दहशतवादी असून त्याला गोळ्याच घातल्या पाहिजेत असे वक्तव्य उत्तरप्रदेशचे भाजपाचे आमदार संगीत सोम यांनी केले आहे.
उत्तर प्रदेशमधील भाजपाचे आमदार संगीत सोम यांनी गुरुवारी पत्रकारांसोबत बोलताना हे वक्तव्य केले. असे लोक दहशतवादी आहेत, अशा लोकांना भर चौकात उभे करून गोळी मारायला हवी, असे सोम म्हणाले. ज्याने कोणी आयबीचा अधिकारी अंकीत शर्माची हत्या केली आहे त्याला कठोर शिक्षा देण्यात यावी. तसेच कोणीही कितीही विरोध केला तरीही सरकार नागरिकता संशोधन विधेयक मागे घेणार नाही, असेही सोम यांनी सांगितले.
Delhi Violence : आपच्या निलंबित नगरसेवक ताहिर हुसैनने कोर्टात केले आत्मसमर्पण
धक्कादायक...! आप नगरसेवकाच्या घरी अ‍ॅसिडने भरलेले ड्रम; त्यावर गंगाजलाचा उल्लेख
TikTok चे नवे अ‍ॅप आले; गाणी ऐकताच नाही, गाताही येणार
महत्वाचे म्हणजे सरधनाचे आमदार संगीत सोम यांच्यावरही 2013 मध्ये मुजफ्फरनगर दंगल भडकविण्याचा आरोप आहे. या हिंसाचारावेळी 60 लोकांचा मृत्यू झाला होता आणि हजारोंच्या संख्येने लोक स्थलांतरीत झाले होते. त्यांच्ये वकील अनिल जिंदाल यांनी सांगितले की, 2013 मध्ये खतौली पोलिस ठाण्यात संगीत सोम यांच्याविरोधात गुन्हा नोंदविण्यात आला आहे. न्यायालयाने पुढील सुनावणीची तारीख 15 एप्रिल ठेवली आहे.
