Tata Steel Plant Blast: TATA स्टीलच्या जमशेदपूर प्लांटमध्ये मोठा स्फोट; अनेक कर्मचारी जखमी, पाहा Video 

Tata Steel Plant Blast Latest Update: झारखंडच्या जमशेदपूरमध्ये टाटा स्टीलच्या प्लांटमध्ये मोठा स्फोट झाल्याची माहिती समोर आली आहे. स्फोट इतका भयंकर होता की त्यानंतर प्लांटमध्ये आगीचे लोट उठताना दिसत आहेत. प्लांटमध्ये मोठी आग लागली असून अनेक कर्मचारी जखमी झाल्याची माहिती समोर आली आहे. झारखंडचे मुख्यमंत्री हेमंत सोरेन यांनी तातडीनं या घटनेची माहिती घेतली असून बचावकार्याचे आदेश दिले आहेत. 

#WATCH Jharkhand | A fire broke out in a Coke plant of Tata Steel Factory in Jamshedpur due to an alleged blast in a battery. Five fire tenders at the spot, 2 labourers reportedly injured. pic.twitter.com/Y7cBhVSe1A

— ANI (@ANI) May 7, 2022

टाटा स्टीलचा जमशेदपूर येथील हा प्लांट कंपनीच्या महत्वाच्या प्लांटपैकी एक मोठा प्लांट आहे. स्फोटाचं कारण अद्याप कळू शकलेलं नाही. हेमंत सोरेन यांनी या घटनेबाबत ट्विट करुन माहिती दिली आहे. "जमशेदपूर प्लांटमध्ये स्फोट झाल्याची माहिती मिळाली आहे. जिल्हा प्रशासन, टाटा स्टीलचे व्यवस्थापक यांच्यासोब सामंजस्यानं जखमींवर तातडीनं उपचार करण्याची कार्यवाही सुरू करण्यात आली आहे", असं ट्विट हेमंत सोरेन यांनी केलं आहे.