शिक्षक शिकवतोयं, D फॉर दारु, P फॉर पियो

रायपूर, दि. १२ - सरकारी शाळांमधील शिक्षणाच्या दर्जाचे विदारक चित्र पुन्हा एकदा समोर आले असून छत्तीसगडमधील शाळेतील एक शिक्षक मद्यधूंद अवस्थेत विद्यार्थ्यांना शिकवत असल्याची घटना उघड झाली आहे. धक्कादायक बाब म्हणजे मद्यपी शिक्षक विद्यार्थ्यांना डी फॉर दारु  व पी फॉर पियो हे शिकवत असल्याचे व्हिडीओत दिसत आहे. 

छत्तीसगडमधील कोरिया जिल्ह्यात सरकारी प्राथमिक शाळा असून या शाळेतील शिक्षक शिवबरन विद्यार्थ्यांना मद्यधूंद अवस्थेत शिकवत असल्याचा प्रकार व्हिडीओत कैद झाला आहे. शिक्षक विद्यार्थ्यांना दारु पिण्याचे धडे देत असल्याचे या व्हिडीओत दिसते. हा व्हिडीओ प्रसारमाध्यमांमध्ये झळकल्यावर शिवबरन यांनी माफी मागून प्रकरणावर पडदा टाकण्याचा प्रयत्न केला. पुन्हा मद्यधूंद अवस्थेत शाळेत जाणार नाही असेही शिवबरन यांनी सांगितले. जिल्हाधिकारी कार्यालयाने या घटनेची दखल घेत शिवबरन यांच्याविरोधात कारवाई करण्याचे आश्वासन दिले.