दिल्ली-जयपूर महामार्गावर भीषण अपघात, कारमधील तीन जणांचा होरपळून मृत्यू

गुरुग्राममध्ये जयपूर-दिल्ली हायवेवर भीषण अपघात झाला असून त्यात ४ जणांचा मृत्यू झाला आहे.

काल रात्री गुरुग्राममध्ये भीषण अपघात झाला. या भीषण अपघातात तिघांचा होरपळून मृत्यू झाला. हा अपघात दिल्ली-जयपूर महामार्गावर झाला. येथे एका टँकरने पिकअप व्हॅन आणि कारला जोरदार धडक दिली, त्यामुळे कारने पेट घेतला आणि आत बसलेले तीन जण जिवंत जळाले. या अपघातात पिकअप व्हॅनच्या चालकाचाही मृत्यू झाला आहे. पोलीस सध्या अपघातात ठार झालेल्यांची ओळख पटवत आहेत.

मिळालेल्या माहितीनुसार, रात्री ११ वाजण्याच्या सुमारास दिल्ली जयपूर महामार्गावरील सिद्धरावली गावाजवळ जयपूरकडून एक हायस्पीड ऑइल टँकर येत होता. टँकरने आधी दुभाजक तोडले आणि नंतर दिल्लीहून जयपूरला जाणाऱ्या लाईनमध्ये घुसला. येथे त्याने समोरून येणाऱ्या डॅटसन गो कारला धडक दिली. या कारमध्ये सीएनजी लावण्यात आल्याने स्फोट होऊन कारला आग लागली. कारचे दरवाजे लॉक असल्याने ते उघडता न आल्याने आत बसलेल्या तीन जणांचा आगीत होरपळून मृत्यू झाला.

दिवाळीत फटाके फोडा दोनच तास, रात्री ८ ते १० दरम्यानच परवानगी, हायकोर्टाचा सुधारित आदेश

कारला धडक दिल्यानंतर टँकर चालकाने समोरील डिव्हायडरचे ग्रील तोडले आणि दिल्लीहून जयपूरकडे जाणाऱ्या सर्व्हिस लेनवर पोहोचला, तेथे त्याने समोरून येणाऱ्या पिकअप व्हॅनला लक्ष्य केले. पिकअप व्हॅनच्या धडकेत पिकअप चालकाचाही मृत्यू झाला.

#WATCH | Haryana: A tanker hits a car and pickup vehicle near Sidhrawali on Delhi-Jaipur Highway. Further details awaited. pic.twitter.com/RhmzpS1PKL

— ANI (@ANI) November 11, 2023