जम्मू काश्मीरमध्ये दहशतवाद्यांनी केलेल्या गोळीबारात एका चिमुकलीसह चार नागरिक जखमी
By ऑनलाइन लोकमत | Published: September 7, 2019 01:52 PM2019-09-07T13:52:30+5:302019-09-07T13:56:35+5:30
जम्मू-काश्मीरमधील कलम 370 हटविल्यानंतर पाकिस्तानचा जळफळाट झाल्याचे अनेकदा दिसून आले आहे.
जम्मू काश्मीरमध्ये दहशतवाद्यांनी केलेल्या गोळीबारात एका चिमुकलीसह चार नागरिक जखमी
श्रीनगर: जम्मू- काश्मीरच्या सोपोरमध्ये दहशतवाद्यांनी केलेल्या गोळीबारात डांगेरपोरा मध्ये राहणाऱ्या एका निष्पाप चिमुकलीसह आणखी चार नागरिक जखमी झाले असून त्यांना जवळील रुग्णालयात दाखल करण्यात आले आहे.
तसेच दहशतवाद्यांनी केलेल्या गोळीबारात जखमी झालेल्या नागरिकांची सध्या प्रकृती स्थिर असल्याची माहिती तेथील स्थानिक पोलिसांनी दिली. त्याचप्रमाणे पोलीस घटनास्थळी उपस्थित असून तपास सुरु असल्याचे जम्मू- काश्मीर पोलीस प्रवक्त्याने स्पष्ट केले.
Kashmir Zone Police: Terrorists fired and injured four persons including a baby girl ( Usma Jan) at Dangerpora in Sopore. All injured shifted to the hospital and stated to be stable. Police on the spot and investigation in progress. #JammuAndKashmirpic.twitter.com/9UFBWjucz1
— ANI (@ANI) September 7, 2019
जम्मू-काश्मीरमधीलकलम 370 हटविल्यानंतर पाकिस्तानचा जळफळाट झाल्याचे अनेकदा दिसून आले आहे. तसेच नियंत्रण रेषेनजीकच्या संशयित हालचाली वाढल्या असून घुसखोरीचे प्रयत्न वारंवार केले जात आहेत. मात्र भारतीय लष्कर असे प्रयत्न हाणून पाडत आहे. तसेच सोमवारी (3 सप्टेंबर) जम्मू-काश्मीरमध्ये घुसखोरी करणाऱ्या दोन पाकिस्तानी दहशतवाद्यांना अटक करण्यात भारतीय लष्कराला यश आले होते.
