भोजपुरी अभिनेत्रीने हॉटेलच्या खोलीत घेतला गळफास; चित्रपटसृष्टीवर पसरली शोककळा

कसम पैदा करनेवाली की २, मुझसे शादी करोगी, वीरों के वीर आदी भोजपुरी चित्रपटांत आकांक्षाने काम केले होते.

वाराणसी : भोजपुरी चित्रपटातील अभिनेत्री आकांक्षा दुबे (वय २५) हिने वाराणसीतील हॉटेलमधील खोलीत रविवारी गळफास लावून आत्महत्या केली. ती शुक्रवारी रात्री चित्रीकरण संपवून परतली. तिच्या आत्महत्येमागचे कारण अद्याप कळू शकलेले नाही. 

कसम पैदा करनेवाली की २, मुझसे शादी करोगी, वीरों के वीर आदी भोजपुरी चित्रपटांत आकांक्षाने काम केले होते. तिचा मृतदेह उत्तरीय तपासणीसाठी पाठविण्यात  आला. तिच्या मृत्यूने भोजपुरी चित्रपटसृष्टीवर शोककळा पसरली आहे. तिचा जन्म उत्तर प्रदेशातील मिर्झापूर येथे २१ ऑक्टोबर १९९७ रोजी झाला. आकांक्षाने आयपीएस अधिकारी बनावे अशी पालकांची इच्छा होती. मात्र तिला अभिनय व नृत्याची आवड होती. वयाच्या सतराव्या वर्षापासून तिने आपल्या चित्रपट कारकिर्दीला सुरुवात केली होती. आकांक्षा दुबे सोशल मीडियावर सक्रिय होती.