संतापजनक! आजारी होता म्हणून कुत्र्याला दिली फाशी

दिल्लीतील गाझियाबादमध्ये दोन तरुणांनी सतत आजारी असल्याच्या कारणाने कुत्र्याला फाशी दिल्याचा संतापजनक प्रकार समोर आला आहे. याचा व्हिडीओ व्हायरल झाला असून, पोलिसांनी दोघांना चौकशीसाठी बोलवले होते.

गाझियाबाद : दिल्लीतील गाझियाबादमध्ये दोन तरुणांनी सतत आजारी असल्याच्या कारणाने कुत्र्याला फाशी दिल्याचा संतापजनक प्रकार समोर आला आहे. याचा व्हिडीओ व्हायरल झाला असून, पोलिसांनी दोघांना चौकशीसाठी बोलवले होते.
क्लिपमध्ये दोन जण कुत्र्याला बांधून त्याला फासावर लटकवताना दिसत आहेत. कुत्र्याचा प्राण गुदमरल्याचे लक्षात आल्यानंतर तरुणांनी त्याला खाली घेतले. हे प्रकरण पोलिसांपर्यंत पोहोचल्यानंतर ग्रामस्थ भयभीत झाले आहेत. या कुत्र्यामुळे लोक त्रस्त झाल्याचे ग्रामस्थांचे म्हणणे आहे. गावातील सुमितने सांगितले की, कुत्र्याने मुले, वृद्धांसह अनेकांना चावा घेतला. तो आजारी  होता; म्हणून तरुणांनी मिळून त्याला मारण्याचा कट रचला.

मालकावर गुन्हा
गाझियाबादचे एसपी देहात इराज राजा यांनी सांगितले की, हा व्हिडीओ ट्रॉनिका सिटी परिसरातील आहे. तपासात हा व्हिडीओ खरा असल्याचे समोर आले आहे. हा गंभीर गुन्हा आहे. कुत्र्याच्या मालकावर गुन्हा दाखल करण्यात आला आहे.