वडील म्हणाले, “जाऊन अभ्यास कर”; ९ वर्षीय ‘इन्स्टा क्वीन’नं जीवनच संपवलं

एका ९ वर्षीय मुलीनं किरकोळ कारणावरून आपला जीवन प्रवास संपवल्याची धक्कादायक घटना घडली आहे.

तामिळनाडूतील पेरियाकुप्पम येथून एक वेदनादायक घटना समोर आली आहे. येथील एका ९ वर्षीय मुलीनं किरकोळ कारणावरून आत्महत्या केल्याची घटना घटना घडली आहे. कथितरित्या तिच्या पालकांनी तिला अभ्यास करण्यास सांगितल्यानंतर तिनं हे टोकाचं पाऊल उचलल्याचं समोर आलंय. या नऊ वर्षीय मुलीला तिचे शेजारी 'इन्स्टा क्वीन' म्हणत होते.

मुलीच्या वडिलांनी तिला आपल्या सासरच्या घराजवळ खेळताना पाहिलं. त्यानंतर तिला घरी जाऊन अभ्यास कर असं सांगत घराची चावी दिली. यानंतर ते आपल्या बाईकमध्ये पेट्रोल भरण्यासाठी बाहेर गेले. रात्री ८.१५ च्या सुमारास ते घरी परतले असता त्यांना घर आतून बंद असल्याचं समजलं. यानंतर त्यांनी आपल्या मुलीला दरवाजा उघडण्यास सांगितला.

परंतु त्या मुलीनं कोणताही प्रतिसाद न दिल्यानं ते घाबरले आणि मागची खिडकी तोडून त्यांनी आत प्रवेश केला. यावेळी त्यांच्या मुलगी गळ्यात टॉवेल बांधून झटपटत असताना दिसली. तिला त्वरित त्या ठिकाणाहून रुग्णालयात नेण्यात आलं. परंतु यादरम्यान तिचा मृत्यू झाला. या प्रकरणी आता पोलिसांनी तपास सुरू केला आहे.