'त्या' चकमकीचा बदला घेणार, दहशतवादी संघटनेची धमकी

तेलंगणमधील सिमीच्या दहशतवाद्यांच्या मृत्यूचा बदला घेण्यासाठी लश्कर ए योतबा व इंडियन मुजाहिदीन भारतात बाँबस्फोट घडवण्याचा कट रचत असल्याची माहिती गुप्तचर यंत्रणांच्या हाती लागली आहे.

ऑनलाइन लोकमत

नवी दिल्ली, दि. 19 - तेलंगणमधील सिमीच्या दहशतवाद्यांच्या मृत्यूचा बदला घेण्यासाठी लश्कर ए योतबा व इंडियन मुजाहिदीन भारतात बाँबस्फोट घडवण्याचा कट रचत असल्याची माहिती गुप्तचर यंत्रणांच्या हाती लागली आहे. दहशतवादी संघटनांच्या रडारवर आता पोलिस अधिकारी आहेत.

तेलंगणमध्ये 4 एप्रिल रोजी सिमीच्या दोन दहशतवाद्यांचा पोलिस चकमकीत मृत्यू झाला होता. या अझीजुद्दीन व मोहम्मद अस्लम या दोघा दहशतवाद्यांचा मृत्यू झाला होता. चेन्नई, पुणे व बंगळुरु येथील बाँबस्फोटांमध्ये या दोघांचा सहभाग होता. या दोघांच्या मृत्यूनंतर लश्कर ए तोयबा व इंडियन मुजाहिदीन या दहशतवादी संघटनांनी भारतात दहशतवादी हल्ल्याचा कट रचला आहे. गुप्तचर यंत्रणांच्या हाती इंडियन मुजाहिदीनचा रियाझ भटकळ व त्याच्या भारतातील साथीदारांचे फोन रेकॉर्डिंग आली आहे. या संभाषणात 'बदला घेणार' असा शब्द वापरण्यात आल्याने गुप्तचर यंत्रणा सतर्क झाल्या आहेत. सिमीच्या दहशतवाद्यांचा मृत्यूचा बदला घेण्यासाठी भटकळ, लश्कर ए तोयबाच्या मदतीने पोलिस अधिका-यांवर हल्ला करण्याचा कट रचत आहे. ही माहिती आता तेलंगणमध्ये पोलिस अधिका-यांनी दिली जाणार असल्याचे सूत्रांनी सांगितले.