जम्मू-काश्‍मीरमध्ये तीन दहशतवाद्यांना अटक, सहा AK-47 जप्त
By ऑनलाइन लोकमत | Published: September 12, 2019 12:50 PM2019-09-12T12:50:10+5:302019-09-12T12:54:51+5:30
दहशतवाद्यांकडून सहा एके-47 जप्त
जम्मू-काश्‍मीरमध्ये तीन दहशतवाद्यांना अटक, सहा AK-47 जप्त
कठुआ: जम्मू-काश्मीर पोलिसांना तीन दहशतवाद्यांना अटक केली आहे. दहशतवाद्यांना पोलिसांनी पंजाब आणि जम्मू-काश्मीरजवळील लखनपूरहून अटक केली आहे.
एका ट्रकमधून शस्त्रे घेऊन जात असल्याची माहिती पोलिसांना मिळाली होती. त्यानंतर पोलिसांनी ट्रकवर कारवाई करत तीन दहशतवाद्यांना अटक केली. तसेच, या दहशतवाद्यांकडून सहा एके-47 सुद्धा जप्त करण्यात आली आहे. शस्त्रास्त्रे घेऊन जाणारा ट्रक जप्त करण्यात आल्याचे कठुआच्या पोलीस अधिकाऱ्यांनी सांगितले.
SSP Kathua: A truck carrying arms and ammunition has been recovered in Kathua, more details are awaited. #JammuAndKashmirhttps://t.co/LRfKQi3c3Ppic.twitter.com/nvVTi2AcPg
— ANI (@ANI) September 12, 2019
दरम्यान, सुरक्षा दलाचे दोन दिवसातील हे मोठे यश आहे. काल जम्मू-काश्मीरच्या सोपोरमध्ये सुरक्षा दल आणि दहशतवाद्यांमध्ये चकमक झाली. या चकमकीदरम्यान लष्कर-ए-तोयबाच्या एका टॉप दहशतवाद्याचा खात्मा करण्यात जवानांना यश आले. आसिफ असे खात्मा करण्यात आलेल्या दहशतवाद्याचे नाव असून तो लष्कर-ए-तोयबाचा टॉप रँकचा दहशतवादी असल्याची माहिती मिळते. या परिसरात आणखी काही दहशतवादी लपून बसल्याची माहिती सुरक्षा दलाला मिळाली असल्याने शोधमोहीम सुरू आहे.
SSP Kathua: A truck carrying arms and ammunition has been recovered in Kathua, more details are awaited. #JammuAndKashmirpic.twitter.com/zGghQu4xI8
— ANI (@ANI) September 12, 2019
