‘काळ’ कोसळला!

ढगफुटीनंतर झालेल्या भूस्खलनात हिमाचलप्रदेशामध्ये ४६ जणांचा मृत्यू झाला.

शिमला : ढगफुटीनंतर झालेल्या भूस्खलनात हिमाचलप्रदेशामध्ये ४६ जणांचा मृत्यू झाला. महामार्गावरून जाणाºया राज्य परिवहन मंडळाच्या दोन बसवर दरड कोसळल्याने त्यातील सर्व प्रवाशांवर आणि आसपासच्या घरांतील लोकांवर या दरडींच्या रूपाने रविवारी रात्री ‘काळ’ कोसळला आहे. रात्री उशीरापर्यंत राष्ट्रीय आपत्ती निवारण दलाचे जवानांकडून मदतकार्य सुरू होते. बेपत्ता असलेल्याची संख्या मोठी असल्याने मृतांची संख्या वाढेल, अशी भीती व्यक्त केली जात आहे. पंतप्रधान नरेंद्र मोदी यांनी या अपघातात झालेल्या जीवित हानीबद्दल वेदना झाल्याचे टिष्ट्वटरवर म्हटले.
रात्री १.१५च्या सुमारास दरडी कोसळल्या व त्यामुळे मंडी-पठाणकोट राष्ट्रीय महामार्ग १५४ च्या कोत्रुपी खेड्यातील १०० मीटर भागाची हानी झाली. या महामार्गावरून एक बस मनाली येथून कातरा तर दुसरी चांभा येतून मनालीली निघाली होती. या दोन्ही बस हिमाचल प्रदेश राज्य परिवहन महामंडळाच्या होत्या. दरडी कोसळल्यामुळे रस्ता वाहून गेला व त्यामुळे बसगाड्या ८०० मीटर खोल दरीत पडल्या. एक बस तर दरडीखाली पूर्णपणे गाडली गेल्यामुळे तिचा रात्री उशीरापर्यंत शोध लागला नव्हता. या बसमध्ये तब्बल ५० प्रवासी होते. त्यामुळे मृतांची संख्या वाढण्याची भीती आहे.
हिमाचलचे मुख्यमंत्री वीरभद्र सिंह यांनी घटनास्थळी भेट दिली. ते म्हणाले की, सर्वांना बाहेर काढेपर्यंत मदतकार्य सुरू राहील. पाच जखमींना मंडी रुग्णालयात दाखल करण्यात करण्यात आले आहे. सर्व जखमींच्या उपचाराचा खर्च राज्य सरकार करणार असल्याचेही त्यांनी जाहीर केले. मुख्यमंत्र्यांनी मृतांच्या नातेवाइकांची भेट घेऊन त्यांचे सांत्वन केले. आरोग्यमंत्री कौल सिंग ठाकूर, परिवहन मंत्री जीएस बाली आणि ग्रामविकास मंत्री अनिल शर्मा हेही घटनास्थळी भेट देऊन आले. आरोग्यमंत्री ठाकूर यांनी मृतांच्या नातेवाइकाला ४ लाखाची मदत जाहीर केली. तर परिवहन मंत्र्यांनी १ लाख रुपयांची मदत
जाहीर केली. (वृत्तसंस्था)
>250 मीटरचा संपूर्ण परिसर मलब्याखाली गाडला गेला असून, त्यात दोन वाहने आणि अनेक घरे अडकली आहेत. त्यात अनेक जण गाडले गेले असण्याची भीती आहे. महामार्ग बंद करण्यात आला आहे.