भाविकांवर काळाने घातली झडप! कारचा झाला चेंदामेंदा, 7 जागीच ठार

देवदर्शन करून घरी निघालेल्या भाविकांवर काळाने रस्त्यातच झडप घातली. गुजरातमधील सांबरकांठा जिल्ह्यात झालेल्या भीषण अपघातात सात जणांचा मृत्यू झाला. 

Accident News : देवदर्शन करून परतणाऱ्या भाविकांच्या गाडीचा भीषण अपघात झाला. गुजरातमधील सांबरकांठा जिल्ह्यात ही घटना घडली. हा अपघात इतका भीषण होता की, कार पूर्ण चेंदामेंदा झाली, तर ७ भाविकांचा जागीच मृत्यू झाला. एक जण गंभीर जखमी असून, त्याच्यावर उपचार सुरू आहेत. 

मिळालेल्या माहितीनुसार, कारमधील भाविक अहमदाबादमधील आहेत. हिंदू तीर्थक्षेत्र असलेल्या शामलाजी येथे ते देव दर्शनासाठी गेले होते. येथील भगवान विष्णूचे मंदिर प्रसिद्ध आहे. 

ट्रकवर जाऊन आदळली कार

देवदेर्शन करून ते गाडीने परत अहमदाबादला निघाले होते. सांबरकांठा जिल्ह्यातील हिमतनगरजवळ त्यांची भरधाव कार ट्रेलरवर जाऊन आदळली. बुधवारी (२५ सप्टेंबर) पहाटे हा अपघात घडला. 

पोलिसांनी दिलेल्या माहितीनुसार, कारमधील सात जण जागीच ठार झाले, तर एका जण गंभीर जखमी झाला. 

कटरने कापून मृतदेह काढले बाहेर

ट्रेलरवर जाऊन धडकल्याने कारचा पूर्ण चेंदामेंदा झाला. त्यामुळे मृतदेह बाहेर काढण्यासाठी कटरने कार कापावी लागली. त्यानंतर मृतदेह बाहेर काढता आले. 

#BreakingNews

સાબરકાંઠાના હિંમતનગરમાં ગોઝારો અકસ્માત

ટ્રેલર અને કાર વચ્ચેની ટક્કરમાં 7 લોકોના મોત

શામળાજીથી અમદાવાદ જઈ રહ્યા હતા તે સમયે સર્જાયો અકસ્માત

તમામ મૃતકો અમદાવાદના રહેવાસી#gujarat#accident#sabarkatha#ahmedabadpic.twitter.com/PabYFDxgVc

— DD News Gujarati (@DDNewsGujarati) September 25, 2024

अपघातानंतरचा कारचा व्हिडीओ समोर आला असून, त्यावरून कारचा वेग आणि अपघाताची भीषणता किती होती, याचा अंदाज येतो.