प्रेरणादायी! रेल्वे अपघात, केल्या 14 सर्जरी पण हार मानली नाही, UPSC क्रॅक करून 'ती' झाली IAS

प्रीती बेनीवाल या अशाच एका अधिकाऱ्याची यशोगाथा जाणून घेऊया... जिने आपलं ध्येय पूर्ण करण्यासाठी आपल्या आयुष्यातील आव्हानांचा सामना केला आणि त्यावर मात करून यश मिळवलं.

आजपर्यंत अनेक UPSC इच्छुकांच्या यशोगाथा ऐकल्या असतील ज्यांनी त्यांचे ध्येय साध्य करण्यासाठी सर्व अडचणींवर मात केली. अशीच एक प्रेरणादायी घटना आता समोर आली आहे. प्रीती बेनीवाल या अशाच एका अधिकाऱ्याची यशोगाथा जाणून घेऊया... जिने आपलं ध्येय पूर्ण करण्यासाठी आपल्या आयुष्यातील आव्हानांचा सामना केला आणि त्यावर मात करून यश मिळवलं.

प्रीती हरियाणाच्या दुपेडी गावची रहिवासी आहे आणि तिचे प्राथमिक शिक्षण शेजारच्या फाफडाना गावातील एका खासगी शाळेत झाले आहे. यानंतर प्रीतीने पानिपतमधून दहावी पूर्ण केली आणि परीक्षेत उत्कृष्ट गुण मिळवले. दहावी केल्यानंतर, प्रीतीने मतलौदा येथून 12 वी पूर्ण केली, त्यानंतर तिने इसराना कॉलेजमधून बीटेक आणि एमटेक ऑनर्सची पदवी मिळवली.

प्रीतीचे वडील पानिपत थर्मल प्लांटमध्ये काम करत होते. त्याचवेळी त्याची आई बबिता या परिसरातील एका अंगणवाडीत काम करत होत्या. एमटेक केल्यानंतर प्रीतीला 2013 मध्ये ग्रामीण बँकेत क्लार्क पद मिळाले. 2013 ते 2016 या काळात त्यांनी बहादुरगडमध्ये काम केले. त्यानंतर 2016 मध्ये, त्यांची FCI मध्ये सहाय्यक जनरल II या पदासाठी निवड झाली, जिथे त्यांनी 2016 ते जानेवारी 2021 पर्यंत कर्नालमध्ये काम केले. 

जानेवारी 2021 मध्ये परराष्ट्र मंत्रालयात सहाय्यक विभाग अधिकारी पदासाठीही त्यांची निवड झाली. मीडिया रिपोर्ट्सनुसार, त्यांनी 2021 मध्ये दिल्ली परराष्ट्र मंत्रालयात काम करण्यास सुरुवात केली. प्रीती डिसेंबर 2016 मध्ये FCI मध्ये विभागीय पदोन्नतीसाठी गाझियाबाद येथे परीक्षेला बसणार होती, तेव्हा तिला एक रेल्वे अपघात झाला. गाझियाबाद रेल्वे स्थानकावर अचानक तिचा पाय घसरला, त्यामुळे ती ट्रेनसमोर पडली. या भीषण घटनेत रेल्वेच्या तीन गाड्या अंगावरून धावल्या.

14 शस्त्रक्रियांशिवाय तिला बायपासचीही गरज होती. जेव्हा ती बेडवर पोहोचली तेव्हा तिला चालता येत नव्हते आणि परिणामी तिला एक वर्ष अंथरुणावर घालवावे लागले. या भीषण घटनेनंतर पती आणि सासरच्या मंडळींनी तिला सोडून दिल्याने तिचे लग्नही तुटले. त्यानंतर प्रीतीने यूपीएससी सिव्हिल सर्व्हिसेस परीक्षेची तयारी करण्याचा निर्णय घेतला आणि दोन अयशस्वी प्रयत्नांनंतर शेवटी ती यशस्वी झाली. आम्ही तुम्हाला सांगतो की, तिचे वडील सुरेश कुमार यांच्या प्रेरणेने प्रीती 2020 मध्ये अखिल भारतीय 754 वा क्रमांक मिळवण्यात यशस्वी ठरली. एका हिंदी वेबसाईटने याबाबतचे वृत्त दिले आहे. 

सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"