सामानाने भरलेला ट्रक कारवर पलटला, एकाच कुटुंबातील 5 जणांचा मृत्यू

सामाने भरलेला ट्रक कारवर पलटी होऊन झालेल्या भीषण अपघातात एकाच कुटुंबातील पाच जणांचा मृत्यू झाला आहे

ऑनलाइन लोकमत

जयपूर, दि. 6 - सामाने भरलेला ट्रक कारवर पलटी होऊन झालेल्या भीषण अपघातात एकाच कुटुंबातील पाच जणांचा मृत्यू झाला आहे. चौमू हाऊस सर्कल क्षेत्रात हा अपघात झाला आहे. सोमवारी रात्री झालेल्या या अपघातामुळे एक संपुर्ण कुटुंबच संपलं आहे. धक्कादायक म्हणजे लोकांना फक्त ट्रकचा अपघात झाला असं वाटतं होतं. मात्र जेव्हा अपघातग्रस्त ट्रक हटवण्यात आला तेव्हा खाली कार दबली गेल्याचं लक्षात आलं. 

 

अपघात इतका भीषण होता की ट्रकखाली आल्याने कारचा अक्षरक्ष: चेंदामेंदा झाला होता. ट्रक हटवल्यानंतर खाली कार असल्याचं उपस्थित आणि पोलिसांच्या लक्षात आलं. पोलीस अधिकारी कमल नयन यांनी दिलेल्या माहितीनुसार. या ट्रकमध्ये मीठ भरलेलं होतं. ट्रक अनियंत्रित झाल्यामुळे पलटी होऊन अपघात झाला. मात्र ट्रक पलटी होऊन एका कारवर जाऊन आदळला. आम्ही ट्रक बाजूला केला असता कार दिसली. कारमध्ये प्रवास करणा-या सर्वजणांचा मृत्यू झाला आहे. 

 

Jaipur (Rajasthan): 5 people dead after an overloaded truck fell on a car, in Chomu House circle area pic.twitter.com/LeoNV9Whmi

— ANI (@ANI_news) June 6, 2017

पोलीस अधिका-याने दिलेल्या माहितीनुसार मृत्यू झालेले सर्वजण जयपूरचे रहिवासी होते. पोलिसांनी सर्व मृतदेह पोस्टमॉर्टमसाठी मानसिंह हॉस्पिटलला पाठवले आहेत. या प्रकरणाचा तपास सध्या ते करत आहेत. 

 

मृतकांची नावे - राहुल, रोशनी, ज्योती, नितेश आणि स्वीटी