दिल्ली पोलिसांना मोठं यश! बब्बर खालसा इंटरनॅशनलच्या दोन दहशतवाद्यांना अटक
By ऑनलाइन लोकमत | Published: September 7, 2020 01:39 PM2020-09-07T13:39:55+5:302020-09-07T13:41:42+5:30
उत्तर-पश्चिम दिल्लीत झालेल्या चकमकी दरम्यान या दोन दहशतवाद्यांना अटक करण्यात आली आहे.
दिल्ली पोलिसांना मोठं यश! बब्बर खालसा इंटरनॅशनलच्या दोन दहशतवाद्यांना अटक
नवी दिल्ली - दिल्लीपोलिसांच्या स्पेशल सेलला मोठं यश मिळालं आहे. बब्बर खालसा इंटरनॅशनल या दहशतवादी संघटनेच्या दोन दहशतवाद्यांना अटक करण्यात आली आहे. तसेच दहशतवाद्यांकडून मोठ्याप्रमाणावर शस्त्रसाठा देखील जप्त करण्यात आला आहे. दिल्ली पोलिसांनी दिलेल्या माहितीनुसार, उत्तर-पश्चिम दिल्लीत झालेल्या चकमकी दरम्यान या दोन दहशतवाद्यांना अटक करण्यात आली आहे.
भूपेंदर उर्फ दिलावर सिंह आणि कुलवंत सिंह अशी दहशतवाद्यांची नावं आहेत. दहशतवाद्यांकडून सहा पिस्तुलं आणि 40 काडतुसं जप्त करण्यात आली आहेत. हे दोघेही पंजाबमधील लुधियानाचे रहिवासी असल्याची माहिती मिळत आहे. बब्बर खालसा इंटरनॅशनलच्या दहशतवाद्यांना चकमकीनंतर अटक करण्यात आल्याने हे मोठं यश मानलं जात आहे. काही दिवसांपूर्वी दिल्लीतील धौला कुआं रिंग रोड परिसरात ISIS च्या एका दहशतवाद्याला पकडण्यात पोलिसांना यश आलं होतं. चौकशीदरम्यान या दहशतवाद्याने धक्कादायक माहिती दिली होती.
Photos of the two Babbar Khalsa International (BKI) terrorists - Bhupender alias Dilawar Singh and Kulwant Singh - who were arrested from North West Delhi area after a brief exchange of fire. Six pistols and 40 cartridges recovered from their possession: Delhi Police Special Cell https://t.co/EINiPzrsFzpic.twitter.com/h95BZgOBFy
— ANI (@ANI) September 7, 2020
दिल्ली आणि उत्तर प्रदेशमध्ये राम मंदिर होत असलेल्या ठिकाणी घातपात करण्याचा मोठा डाव असल्याची माहिती समोर आली होती. अबू युसूफ असं या दहशतवाद्याचं नाव असून दहशतवाद्याकडून मोठ्या प्रमाणात IED स्फोटकांचा साठा जप्त करण्यात आला होता. अबू युसूफने राम मंदिर आणि दिल्लीत घातपाताचा मोठा डाव असल्याचं सांगितलं आहे. तसेच तो अफगाणिस्तानमधील काही साथीदारांच्या संपर्कातही होता. या दोन ठिकाणी मोठे हल्ले घडवून आणण्याचा डाव असल्याची माहिती समोर आल्यानंतर पोलिसांनी अलर्ट जारी केला होता.
राम मंदिर आणि दिल्लीत घातपाताचा होता मोठा डाव
दिल्ली पोलीस स्पेशल सेलचे डीसीपी प्रमोदसिंग कुशवाह यांनी दिलेल्या माहितीनुसार, धौला कुआंमध्ये दिल्ली पोलिसांच्या स्पेशल सेलने केलेल्या कारवाईनंतर ISIS च्या एका दहशतवाद्याला अटक करण्यात आली होती. दिल्ली पोलिसांनी दहशतवाद्यांचा मोठा कट उधळून लावला. IED स्फोटकांचा साठा जप्त केला. अबू युसूफ या दहशतवाद्याकडून दोन IED स्फोटकं जप्त करण्यात आली होती.
'मोदींच्या 'मैं देश नही बिकने दूँगा' चा अर्थ होता...', काँग्रेसचा मोदी सरकारवर हल्लाबोलhttps://t.co/0bu1XNg4Iu#Congress#NarendraModi#NirmalaSitharamanpic.twitter.com/WERLYR0AHj
— Lokmat (@MiLOKMAT) September 7, 2020
महत्त्वाच्या बातम्या
"७० वर्षांत जे काही उभं केलं होतं, ते सगळं हे विकून टाकणार; मोदी है तो यही मुमकिन है"
चांद्रयान-3 मोहिमेत होणार मोठा बदल, जाणून घ्या कधी होणार लाँच?
जिद्दीला सलाम! शिक्षणासाठी गर्भवतीने स्कूटरवरून केला 1200 किमीचा खडतर प्रवास अन्...
