जम्मू काश्मीरमध्ये 2 दहशतवाद्यांचा खात्मा, चकमक अजूनही सुरू

जम्मू काश्मीरमध्ये सुरक्षा दल आणि दहशतवाद्यांमध्ये चकमक सुरू आहे. पुलवामा जिल्ह्यातील बमनू परिसरात जवानांनी एका दहशतवाद्याचा खात्मा केला आहे

ऑनलाइन लोकमत

श्रीनगर, दि. 3 -  जम्मू काश्मीरमध्ये सुरक्षा दल आणि दहशतवाद्यांमध्ये चकमक सुरू आहे. पुलवामा जिल्ह्यातील बमनू परिसरात जवानांनी दोन दहशतवाद्यांचा खात्मा केला आहे. तर आणखी एका दहशतवाद्याला घेरण्यात आले असून परिसरात शोधमोहीम सुरू आहे.  दहशतवादी लपल्याची माहिती मिळताच सुरक्षा दलाकडून सकाळपासूनच शोधमोहीम सुरू करण्यात आली. यादरम्यान, एका दहशतवाद्याला कंठस्नान घालण्यात आले असून परिसरात अजूनही चकमक सुरू आहे.  

 

दरम्यान, शनिवारी (1 जुलै) ""लष्कर-ए-तय्यबा""चा कमांडर बशीर लष्करीचा खात्मा करण्यात जवानांना यश मिळाले. बशीर लष्करीसोबत अन्य दहशतवादी आजाद मलिकलाही ठार करण्यात आले. जम्मू काश्मीरमधील अनंतनाग येथे सुरक्षा जवान आणि दहशतवाद्यांमध्ये सुरू होती. या चकमकीदरम्यान दोघांना ठार करण्यात आले.  मात्र या चकमकीदरम्यान दोन नागरिकांचाही मृत्यू झाला. 

 

J&K: One terrorist has been gunned down by security forces in Pulwama"s Bamnoo, two others trapped. Operation continues (visuals deferred) pic.twitter.com/noyTSYyg3U

— ANI (@ANI_news) July 3, 2017

(सहा पोलिसांची हत्या करणा-या दहशतवादी बशीर लष्करीचा खात्मा)

(होय, मी भारतात दहशतवादी हल्ले केले - सय्यद सलाहुद्दीन)

 

सुरक्षा दलाला मिळालेल्या माहितीनुसार, "दहशतवादी एका घरात लपून बसले होते. यावेळी दहशतवादी आणि सुरक्षा जवानांमध्ये चकमक सुरू असताना गोळ्या लागल्याने दोन नागरिकांचा मृत्यू झाला", अशी माहिती जम्मू काश्मीरचे पोलीस महासंचालक मुनीर खान यांनी सांगितले.  सुरक्षा जवानांनी दहशतवादी लपल्याची माहिती मिळाल्यानंतर संपूर्ण परिसरात सर्च ऑपरेशन सुरू केले. लपलेल्या दहशतवाद्यांमध्ये लष्कर-ए-तय्यबाचा दहशतवादी बशीर लष्करी असल्याची तेव्हा माहिती मिळाली होती. काश्मीरमधील पोलीस अधिकारी फिरोज अहमद दार आणि इतर पाच पोलीस कर्मचा-यांच्या हत्येमध्ये त्याचा सहभाग होता. 16 जून रोजी ही हत्या करण्यात आली होती.