CoronaVirus News: अमेरिकेनं मैत्री निभावली; भारताकडे १०० व्हेंटिलेटर्स सोपवली

CoronaVirus News: भारतातील अमेरिकेचे राजदूत केनेथ जस्टर यांनी १०० व्हेंटिलेटरची पहिली खेप भारताकडे सोपवली आहे.

नवी दिल्लीः कोरोना व्हायरसनं जगभरात हाहाकार माजवलेला आहे. अनेक देशांना अद्यापही कोरोनावर नियंत्रण मिळवण्यात यश आलेलं नाही. तर काही देश कोरोनासारख्या जीवघेण्या विषाणूवर लस बनवण्यासाठी प्रयत्नशील आहेत. भारतालाही कोरोनाचा मोठा फटका बसला आहे. कोरोनाचा वाढता प्रादुर्भाव लक्षात घेता पंतप्रधान नरेंद्र मोदी पुन्हा एकदा व्हिडीओ कॉन्फरन्सिंगद्वारे राज्यांचे मुख्यमंत्री, उपराज्यपाल आणि देशातील उच्चाधिकाऱ्यांशी चर्चा करणार आहेत. विशेष म्हणजे या संकटाच्या काळातही अमेरिका दिलेल्या शब्दाला जागला आहे. भारतातील अमेरिकेचे राजदूत केनेथ जस्टर यांनी १०० व्हेंटिलेटरची पहिली खेप भारताकडे सोपवली आहे.

#COVID19 pandemic poses an unprecedented global health threat to all of us. It is only through partnership and cooperation that we will be best able to ensure a healthy future for our people: US Ambassador to India, Kenneth Juster https://t.co/xCq8pRhAr0pic.twitter.com/fGP9Q6eTpN

— ANI (@ANI) June 16, 2020

कोरोना विषाणूच्या साथीचा हा रोग आपल्या सर्वांसाठी एक मोठं जागतिक आरोग्य संकट आहे. पण या संकटातही भागीदारी आणि सहकार्यातून आपण जनतेचे निरोगी भविष्य घडवू शकतो, असंही भारतातील अमेरिकेचे राजदूत केनेथ जस्टर म्हणाले आहेत. अमेरिकन सरकारच्या सहकार्यानं एजन्सी फॉर इंटरनॅशनल डेव्हलपमेंटच्या माध्यमातून भारतीय लोकांना २०० व्हेंटिलेटर्स देणार आहोत आणि आज आम्ही भारतीय रेडक्रॉसकडे १०० व्हेंटिलेटरची पहिली खेप हस्तांतरित केली आहे, त्याचा आम्हाला आनंद आहे, असंही ते म्हणाले आहेत.

In the spirit of cooperation US govt, through Agency for International Development, is pleased to provide the Indian people with a donation of 200 ventilators and today we are pleased to handover the first tranche of 100 ventilators to the Indian Red Cross: US Ambassador to India pic.twitter.com/UB39MDOcrs

— ANI (@ANI) June 16, 2020

गेल्या 24 तासांत देशात कोरोना विषाणूमुळे 380 लोक मृत्युमुखी पडले आहेत. महाराष्ट्रात सर्वाधिक मृत्यू 178 आहेत. दिल्लीत 73, तामिळनाडूमध्ये 44, गुजरातमध्ये 28, हरियाणामध्ये 12, पश्चिम बंगालमध्ये 10, राजस्थानात 9, मध्य प्रदेशात 6, आंध्र प्रदेश आणि पंजाबमध्ये 4-4 मृत्यू आहेत.  जम्मू-काश्मीर आणि कर्नाटकमध्ये प्रत्येकी 3, तेलंगणामध्ये 2 आणि बिहार, चंदीगड, हिमाचल प्रदेश आणि केरळमध्ये प्रत्येकी एका व्यक्तीचा मृत्यू झाला आहे.