Uttar Pradesh Assembly Election 2022 : उत्तर प्रदेशात कुणाचं सरकार बनणार? उज्जैनच्या तांत्रिकानं केली मोठी भविष्यवाणी!

उत्तर प्रदेश विधानसभा निवडणुकीत कुणाचे सरकार बनणार आणि मुख्यमंत्री कोण होणार? यासंदर्भात बम-बम नाथ अघोरी बाबा यांनी भाष्य केले आहे.

उज्जैन - उत्तर प्रदेशात विधानसभा निवडणुकीची रणधुमाळी सुरू आहे. यातच, मध्य प्रदेशातील उज्जैन येथील बम-बम नाथ अघोरी बाबा यांनी यूपी निवडणुकीसंदर्भात मोठी भविष्यवाणी केली आहे. उत्तर प्रदेश विधानसभा निवडणुकीत कुणाचे सरकार बनणार आणि मुख्यमंत्री कोण होणार? यासंदर्भात बम-बम नाथ अघोरी बाबा यांनी भाष्य केले आहे.

उज्जैन येथील बम-बम नाथ अघोरी बाबा यांनी उत्तर प्रदेश विधानसभा निवडणुकीत भारतीय जनता पक्षच विजयी होईल, असा दावा केला आहे. तसेच, योगी आदित्यनाथ यांच्या सरकारला यूपीची जनता आणखी एक संधी देईल. योगी आदित्यनाथ पुन्हा यूपीचे मुख्यमंत्री होतील, असे म्हटले आहे.

बम-बमनाथ अघोरी बाबा हे गेल्या अनेक वर्षांपासून उज्जैन येथे स्मशान घाटावर तांत्रिक विधी करत आहेत. परिसरात त्यांना मोठी मान्यता आहे. त्यांचे आशीर्वाद घेण्यासाठी येथे मोठ्या संख्येने लोक येतात. बम-बमनाथ अघोरी बाबा म्हणाले, सिंहस्थ 2016 मध्ये त्यांची आणि योगी आदित्यनाथ यांची भेट झाली होती. पण, त्यानंतर आजपर्यंत आपण मुख्यमंत्री योगी आदित्यनाथ यांना भेटू शकलेलो नाही. पण गुरुभाऊ आणि एकाच पंथाचे असल्याने ते मुख्यमंत्री योगी आदित्यनाथ यांच्यासाठी सातत्याने तंत्रपूजा करत असतात.

विशेष म्हणजे यूपीमधील सर्वच राजकीय पक्षांनी निवडणूक प्रचारात आपली संपूर्ण शक्ती झोकून दिली आहे. या निवडणुकीत भाजप आणि समाजवादी पक्ष यांच्यातच खरी टक्कर असल्याचे बोलले जात आहे. याचबरोबर बसपा आणि काँग्रेसही मतदारांना आपल्या बाजूने आकर्शित करण्याचा प्रयत्न करत आहेत.